اسلام آباد۔12نومبر (اے پی پی):نیشنل فنانس کمیشن ایوارڈ(این ایف سی ) ءِ چیر دستی ءَ بنجاھ ءِ نیمگ ءَ صوبگ آناں فنڈ ءِ پجاری ءَ جاڑیگیں مالی سال ءِ اولی سئے ماہ آنی ساھت ءَ گوستگیں مالی سال ءِ ھمے وھد ءُ پاس ءِ مقابلہ ءَ 9.01 درسد گیشی ریکاٹ کنگ بوتگ۔ وزارت ءِ ھزانگ ءِ نیمگ ءَ اے ھوالگ ءَ استیں ھساب ءُ داد آنی رد ءَ جولائی ءَ چہ ستمبر 2022 ءَ تاں وھد ءُ پاس ءَ این ایف سی ایوارڈ ءِ چیر دستی ءَ بنجاھ ءِ نیمگ ءَ صوبگ آناں 880374 ملین کلدار ءِ فنڈ پجاری کنگ بوتگ ایش گوستگیں مالی سال ءِ ھمے وھد ءُ پاس ءِ رد ءَ 9.01 درسد گیش بوتگ۔ گوستگیں مالی سال ءِ ھمے وھد ءُ پاس ءَ این ایف سی ءِ چیر دستی ءَ صوبگ آناں 807519 ملین کلدار ءِ فنڈ ٹرانسفر کنگ بوتگ۔ استیں مالی سال ءِ اولی سئے ماہ آنی تہءَ این ایف سی ءِ چیر دستی ءَ سئے ماہ آنی تہءَ این ایف سی ءِ چیر دستی ءَ پنجاپ ءَ را 437740 ملین کلدار سندھ ءَ را 214043 ملین کلدار ، خیبر پختونخوا ءَ را 145767 ملین کلدار ءُ بلوچستان ءَ را 82798 ملین کلدار فنڈز پجاری کنگ بوتگ، گوستگیں مالی سال ءِ اولی سئے ماہ آنی تہ ءَ این ایف سی ایوارڈ ءِ چیر دستی ءَ پنجا ءَ را 396024 ملین کلدار ، سندھ ءَ را 207834 ملین کلدار ، خیبر پختونخوا ءَ را 129011 ملین کلدار ءُ بلوچستان ءَ را 74650 ملین کلدار ٹرانسفر کنگ بوتگ۔
