عمران  خان   وت  تماشہ  جوڑ  بوتگ،  نوں  تماشہ  بند بوھگ  ءِ وھد  اتکگ،  بنجاھی وزیر  اھوالکاری  ءُ شنگ  کاری مریم اورنگزیب

اسلام آباد۔12نومبر  (اے پی پی): بنجاھی وزیر  اھوالکاری   ءُ شنگ کاریمریم اورنگزیب   ءَ گوشت کہ  عمران کان  وت  تماشہ جوڑ بوتگ،  عمران  خان   صاحب    نوں  تئی  تماشہ  بند بوھگ ءِ  وھد  اتکگ۔  شمبے ءِ روچ ءَ جاڑی بوتگیں  بیان ءَ  بنجاھی وزیر  ءَ   گوشت کہ چار سال  ءَ چہ فارن  ایجنٹ  ءَ ملک ءُ   راج ءَ  را تماشہ   جوڑ کتگ،  عمران کان  ءِ توامیں  تماشہ   سہرا  بوتگ انت،   آئی  ءَ گوشت کہ عمران خان  ءَ اے ملک ءَ را  2014  ءَ چہ   تماشہ   کتگ،  چار سال  ءَ نالائقی،  کور پھمی،  دروگ ءُ بٹاک ءِ تماشہ  جتگ۔  آئی ءَ گوشت کہ عمران خان ءَ  الس ءِ روزگار ءُ گران   بھائی  ءِ سر ءَ تماشہ جتگ،  چار سال ءَ چہ ملک ءَ  را لٹ اتگ۔  گھڑیال  دزئی کتگ۔    عمران خان  صاحب  نوں تئی  تماشہ  بند  بوھگ ءِ  وھد  اتکگ۔