شرم الشیخ۔ 11 نومبر (اے پی پی) بنجائی وزیر موسمیاتی بدلی سینیٹر شیری رحمان پارینے کہ پاکستان اسہ تکلیف دہ و بھسکاری نوکاپ اسے آن گدرینگانے ہراڑان 33 ملین آن زیات بندغ زہمی مسنو۔ داخیال آتا درشانی ءِ او کوپ۔ 27 اٹی انٹرنیشنل واٹر مینجمنٹ انسٹی ٹیوٹ و ایف اے او نا کنڈآن واٹر پویلین اٹی بڑزکو کہولی سیگمنٹ : تھمیٹک ڈے3: ’’ڈیزاسٹر رسک ریڈکشن (ڈی آر آر) و گچین معاش کن پائیدار شار ‘‘ آن تران کرسا کرے۔ اوپارے کہ پاکستان نا کم وود اسہ تہائی بشخ نوکاپی دیر اٹی ڈبنگانے و آفت آن پد انا گرج آتا کساس نا رداٹ جم وڑاٹ 30 بلین ڈالر نا نسخان مسنے۔ اومستی پارے کہ معاش نا ذریعہ، کشت وکشار و خور بھاز زہمی مسنو و صدی نا ریکارڈ نوکاپ مچ آ ملک انا ٹوپو گرافی ءِ بدل کرینے۔ اوداسال پاکستان اٹی نوکاپ آن مروک آ نسخان و نوکاپ نا خطرہ غاتا بست وبند، موافقت و دریائے سندھ انا نظام نا لچک اٹی لیونگ انڈس انیشی ایٹیو نا اہمیت آ زور شاغا۔ پاکستان نا بحالی و موافقت نا گرج آتیا ہیت کرسا بنجائی وزیر لیونگ انڈس انیشی ایٹیو نا اسہ جاچ اس پیش کرے و پارے کہ دا ہراوڑ سندھ طاس نا چاگڑدی نظام ءِ بحال کننگ اٹ کمک کیک۔ اوپارے کہ پاکستان نا دنگ اٹ خاص وڑاٹ نوکاپ کون آ قدرتی آفت آتیٹی دریائے سندھ انا نظام نا چاگڑدی جان جوڑی ءِ بحال کننگ ننا آب وہوا نا پائیداری ءِ پک کننگ کن اسہ اہم ءُ گام اسے۔ بنجائی وزیر شیری رحمان شرم الشیخ اٹی کوپ۔ 27 نا پاکستان پویلین اٹی ’’دی لیونگ انڈس: این ایکسز آف ایڈاپٹیشن‘‘ نا سرحال آن پینل ڈسکشن آن ہم تران کرے۔ اوڑتون اوار بنجائی وزیر سید نوید قمر، پاکستان اٹی اقوام متحدہ نا ریزیڈنٹ کوآرڈنیٹر جولین ہارنیس و انوائرمنٹ جرنلسٹ عافیہ سلام ئسک ہم ساڑی ئسر۔ پینل نا ماڈریٹر احمد رفیع عالم ئسک۔
