کوئٹہ۔ 11 نومبر (اے پی پی) بلوچستان اٹی نوکاپ آن مروک آ مرک آتا کچ 336 مسنے وخت اس کہ دونیم لکھ آن زیات اُراتے نسخان رسینگانے ، ترجمان صوبائی ڈیزاسٹر مینجمنٹ اتھارٹی (پی ڈی ایم اے ) نا رداٹ نوکاپ آن دونیم لکھ آن زیات اُراتے نسخان رسینگانے وخت اس کہ چار لکھ آن زیات ساہدارکسکنو و نوکاپ آن کہوک آتا کچ 336 اسکان سرمسنے ہرافتے ٹی 149 نرینہ و زالبول اوار ءُ وخت اس کہ 107 چناتا مرک مسنے۔ نوکاپ آن صوبہ ٹی 127 بندغ ٹھپی مسنو و چار لکھ 34 ہزار آن زیات ساہدار ہم کسکنو۔ پی ڈی ایم اے نا رداٹ مچ آ صوبہ ٹی دونیم لکھ آن زیات ہند آک تمانو و جزوی بھس مسنووخت اس کہ چندی شاہراہ و 58 پول پنانو۔ ترجمان پی ڈی ایم اے نا رپورٹ نا رداٹ چار لکھ 75 ہزار آن زیات ایکڑ آ سلوک فصل آتے ہم نسخان رسینگانے۔
