اسلام آباد۔ 11 نومبر (اے پی پی) بنجائی وزیر توانائی انجینئر خرم دستگیر خان پارینے کہ حیدر آباد الیکٹرک سپلائی کمپنی ءِ ٹاسفارم آتا جوڑ جاڑ کن 30 جون اسکان ورکشاپ اس جوڑ کننگ نا پارت کرینن۔ جمعہ نادے آ قومی اسمبلی ٹی وقفہ سوج آتیٹی صلاح الدین نا حیدر آباد الیکٹرک سپلائی کمپنی نا بابت اسہ سوج اسے نا ورندی ٹی بنجائی وزیر توانائی انجینئر خرم دستگیر پارے کہ وزیراعظم نا پارت آ نوکاپ نا بنائی دے تیٹی ای ہموڑے پنچ دے گدریفینٹ۔ 2021ء ٹی حیسکو ٹی ٹاسفارم آتا جوڑ جاڑ آ 9 کروڑ آن زیات زر خڑچ کننگا۔ ٹاسفارم آتا جوڑ جاڑ نا بابت باقاعدہ اسہ مروجہ وڑوڈول اسے۔ تدوک آ مالی سال اٹی سرکاری کہول آ 18 کروڑ روپئی آن 800 آن زیات ٹاسفارم آتے جوڑ جاڑ کننگا۔ نجی کہول آ ہموڑے ٹاسفارم آتا جوڑ جاڑ کن حیسکو ءِ 30 جون اسکان تینا ورکشاپ اس جوڑ کننگ نا پارت کرینن۔ ڈسٹری بیوشن کمپنی تا ملازم آک ٹاسفارم تا ہر مسٹ آ فیز آتیا بریبر لوڈ شاغپسہ۔ ہنداسوب آن ٹاسفارم آتون ارتھنگ المی مریک، داباندات نا باقاعدہ مانیٹرنگ ءِ کرسا پورو کینہ۔
