اسلام آباد۔ 11 نومبر (اے پی پی) وزارت مواصلات نا کنڈآن قومی اسمبلی ءِ پاننگانے کہ پارلیمنٹ نا باسک آتے موٹروے تیا سفر کن ٹول ٹیکس نا تروک آ چھوٹ انا فیصلہ ءِ پدی ہلنگانے، پنجاب اٹی مچی کروک آک گڑاس ہند آتیا موٹروے تے بند کریسر ولے داسہ غٹ موٹرویک ملوک ءُ۔ جمعہ نادے آ قومی اسمبلی نور عالم خان نا موٹروے و نیشنل ہائی وے نا خستہ حالی نا بابت سوج انا ورندی ٹی پارلیمانی سیکرٹری مواصلات شاہدہ اختر علی پارے کہ تدوک آ پنچ سال اٹی 84 ٹول پلازہ غاتیان ٹول ملک۔ جم وڑاٹ سڑک و ہائی وے تا جوڑجاڑ نا ہراڑے گرج مریک اوفتیا کاریم مننگ ءِ۔ صوابی انٹرچینج نا ہڑتوم آ کنڈریسٹ ایریا عدالتی چارہ جوئی نا سوب آن بند ءِ۔ جام عبدالکریم بجار نا ضمنی سوج انا ورندی ٹی پارلیمانی سیکرٹری شاہدہ اختر علی پارے کہ این ایچ اے نا کونسل موٹروے تا دامون ایمون آبادی تا راجی آسراتی آ خڑچ کیک، دا آبادی تا ہنکینی تے آسراتی تا فراوانی و اوفتے کن انڈرپاسز ہم تفنگک۔ جویریہ ظفر آہیر نا سوج انا ورندی ٹی شاہدہ اختر علی پارے کہ پارلیمنٹرینز ءِ موٹروے تیا سفر اٹی ٹول ٹیکس نا چھوٹ انا فیصلہ ءِ پدی ہلنگانے۔ پنجاب پولیس نا کمک اٹ مچی کروک آک پنجاب اٹی گڑاس ہند آتیا موٹروے ءِ بند کریسر ولے داسہ غٹ موٹرویک ملنگانو۔
