شرم الشیخ۔ 11 نومبر(اے پی پی) بنجائی وزیر واپار و زرکاری سید نوید قمر پارینے کہ موسمیاتی بدلی نا چاہندار آک آبی کوڑی تے اوفتا کاٹ کننگ نا عمل آن بچفنگ و ساڑی آ کشاری وڑوڈول آتے بدل کننگ آ چکار تخر۔ جمعہ نادے آ شرم الشیخ اٹی وزیر موسمیاتی بدلی سینیٹر شیری رحمان تون پینل شرہ غان تران کرسا اوپوسکن و پائیدار کشاری وڑوڈول آتے اولیت تننگ کن بزغرآتے …
موسمیاتی بدلی نا چاہندارآک آبی کوڑی تے کاٹ کننگ نا عمل آن بچفنگ و ساڑی آ کشاری وڑوڈول آتے بدل کننگ آ چکار تخر، سید نوید قمر
شرم الشیخ۔ 11 نومبر(اے پی پی) بنجائی وزیر واپار و زرکاری سید نوید قمر پارینے کہ موسمیاتی بدلی نا چاہندار آک آبی کوڑی تے اوفتا کاٹ کننگ نا عمل آن بچفنگ و ساڑی آ کشاری وڑوڈول آتے بدل کننگ آ چکار تخر۔ جمعہ نادے آ شرم الشیخ اٹی وزیر موسمیاتی بدلی سینیٹر شیری رحمان تون پینل شرہ غان تران کرسا اوپوسکن و پائیدار کشاری وڑوڈول آتے اولیت تننگ کن بزغرآتے دُوارہ تعلیم تننگ و فنانسنگ اٹی زرکاری نا اہمیت ءِ مون آ تخا۔ او2010 نا نوکاپ و اوکان پد انا کمکی سرجز و اوفتیان ہیل کروک آ سبخ آتا بارواٹی تینا جندی آزموندہ غاتیان معلومدار کرے۔ بنجائی وزیر پارے کہ بدبختی اٹ 10 سال انا خشک سالی نوکاپ زہمی علاقہ غاتیٹی آبادکاری نا موکل تس ہرا 2022 نا نوکاپ ءِ پین بھسکار کرے۔ اوپینل شرہ ءِ علاقہ ٹی ریلیف مہم نا بابت تینا آزموندہ و دا بھسکار اثرآتا بارواٹی ہم پارے ہرافتے اوتینٹ خنا۔
