راولپنڈی۔ 11 نومبر (اے پی پی) محکمہ منشیات تور ملک گیر کارروائی تیٹی زالبول اسمگلر تون اوار ایلو دوبہ دار آتے دزگیرکرسا منشیات نا بھلو کچ اس دوئی کرے۔ ترجمان اے این ایف نا رداٹ سیالکوٹ اٹی کارروائی کرسا مردان نا ہنکینی زالبول آن 2 کلو چرس و 1 کلواس ہفیم دوئی کرے۔ کراچی سہراب گوٹھ آن 3 دوبہ دار آتیان 3 کلو90 گرام ہیرون و 6 کلو 400 گرام چرس دوئی کننگا وخت اس کہ کورنگی روڈ آن کراچی نا ہنکینی دوبہ دار 1 کلو700 گرام ہیرون 75 گرام آئس و 50چرس دوئی کننگا۔ داکان بیدس اے این ایف و ایف سی خیبراٹی 2 اسیجائی کارروائی تیٹی پلاسٹک نا تھیلہ غاتیان جم وڑاٹ 30 کلو 945 گرام چرس دوئی کرے۔ ترجمان اے این ایف پارے کہ دوبہ دار آتا برخلاف منشیات تور ایکٹ نا رداٹ مقدمہ درج کرسا جاست وپاست نا بناءِ کننگانے۔
