اسلام آباد۔ 10 نومبر(اے پی پی) بنجائی وزیر حوالکاری و شینکاری مریم اورنگزیب پارینے کہ زبان تے بند کروک آ اینو سڑک آتے بند کننگ ءِ، عمران خان نا سوب آن ملک اٹی پھسات، بے چیٹی و خار تالان مسنے، عمران خان کسرتے بند کرسا انت مسخت اس دوئی کننگ خواہک؟ پنچ شنبےنادے آ تینا اسہ بیان اسے ٹی اوپارے کہ عمران خان نا سوب آن اینو اسکول و ہسپتال آتا کسر آک بند ءُ، عمران خان ہراپیسہ غاتے کسرتے بند کننگ، خاخر تننگ و گھیڑ کننگ آ خڑچ کننگ ءِ اوفتے نوکاپ زہمی تا بحالی آ خلوسس، عمران نیازی ہرا پیسہ غاتے خاخر لگفنگ اٹ خلنگ ءِ اوفتے نوکاپ زہمی تا کن و خور و باسن آ پچ آتیا خلوسس۔ اوپارے کہ ہراپیسہ غاک ٹیر لگفنگ آ لگنگ ءُ اوفتے نوکاپ زہمی تا چولھاتے لگفنگ اٹ خلوسس۔ عمران خان ہراپیسہ غاتے اسکول و ہسپتال آتے بند کننگ آ خلنگ ءِ اوفتے پنجاب و خیبرپختونخوا ٹی اسکول و ہسپتال جوڑ کننگ آ خلوسس۔ اوپارے کہ عمران نیازی نا مسخت ملک اٹی بے چیٹی، پھسات ، گھیڑ و فتنہ تالان کننگ ءِ، داہمو ڈھیٹ و فسطائی بندغ ءِ ہرا نوکاپ زہمی تا کمک آہم سیاست کرے۔ عمران نیازی چارسال اسکان الس نا اِرغ، بجلی، گیس ، دوائی تے پُلاو روزگار ءِ بند کرے و اینو سڑک آتے بند کننگ ءِ۔ اوپارے کہ چار سال الس نا دوائی تے بند کروک آ اینو ناجوڑآتا کسر تے بند کننگ ءِ۔
SMH
