کاربن نا پیش تمنگ اٹی کمتی نا اسیجائی لائحہ عمل اسے کن جوان پالیسی تا جہانی کہول آ گرج ءِ، وزیراعظم محمد شہباز شریف نا کوپ۔ 27 نا وخت آتران

شرم الشیخ/اسلام آباد۔ 09 نومبر (اے پی پی) وزیراعظم پاکستان شہباز شریف پارینے کہ نن تنکی تا مون ءِ توننگ نا بابت کروک آ قول آتا پوروی نا چاری اُن،م نوکاپ نا بھسکاری  نا مون ءِ توننگ کن درکار و دوئی وسیلہ غاتے ٹی پرخ بھاز زیات ءِ وخت اس کہ پاکستان موسمیاتی و چاگڑدی بدلی آن غٹ آن زیات زہمی ملک ءِ، جہانی برادری چاگڑدی بدلی نا سوب آن نسخان تا پوروی و بحالی نا گام گیج آتے کوپ۔ 27 نا ایجنڈاٹی اوار کے تانکہ بھاز بے وڑ زہمی آبادی نا گرج آتے پورو کننگ مرے۔ وزیراعظم محمد شہباز شریف تدوک آ دے مصر انا شار شرم الشیخ اٹی کوپ۔ 27 جہانی کانفرنس نا وخت آ اقوام متحدہ نا ادارہ چاگڑدی بدلی نا کنڈآن ’’عمل درآمد کن  اوار‘‘ نا سرحال آ اڈ ہلوک دود آن تران پاکستان نا قومی بیانیہ نا بابت تران کرسا پارے کہ کاربن نا پیش تمنگ اٹی کمتی نا سیجائی لائحہ عمل اسے کن جوان پالیسی تا جہانی کہول آ گرج ءِ، کاربن نا پیش تمنگ اٹی پدریسہ ودکی ننا بحالی نا گام گیج آتیان ترند تر ءُ۔ وزیراعظم جہانی راہشون تا چکار ءِ کرسا دا یخین نا درشانی ءِ کرے کہ نم غٹ پاکستان اٹی بھسکار نوکاپ آتا بارواٹی معلومدار مرورے۔ ہرافتیان 33 ملین بندغ زہمی مسنو ہرا مسہ یورپی ملک آتا آبادی نا بریبر ءُ ، زہمی تیٹی زالبول و چناتا کچ نیمہ غان زیات ءِ۔ اوپارے کہ ملک انا سویل اٹی معمول نا پِر تا مقابلہ ٹی 7 ہنداخہ زیات پِر مسنے ، ننا گلیشیئر ترندی اٹ دیر مننگ ءِ۔ وزیراعظم محمد شہباز شریف پارے کہ نوکاپ آتا سوب آن پاکستان اٹی 8 ہزار کلومیٹر آن زیات پکا سڑک آتے دیر درینے وخت اس کہ 3 ہزار کلو میٹر آن زیات ریلوائی ٹریک آتے نسخان رسینگانے، داکان بیدس پاکستان اٹی 4 ملین ایکٹر رقبہ غا سلوک فصل آک نوکاپ آن بھس مسنو۔ اوپارے کہ نوکاپ آن ملک انا ہرچار آ کونہ غاتیٹی بے پناہ نسخان مسنے، نوکاپ آن مروک آ نسخان تا کساس 30 ارب ڈالر آن زیات ءِ۔ وزیراعظم مستی پارے کہ کاربن نا جہانی پیش تمنگ اٹی پاکستان نا بھاز چنکو بشخ اس مننگ آن پد ہم نن داوڑنا نسخان تا گواچی  اُن۔ وزیراعظم محمد شہباز شریف مستی پارے کہ پاکستان نا اولیت مدام پیدوار مسنے غٹ آن مست جہانی کہول آ ہدف آتا اولیت آتے طے کننگ نا گرج ءِ۔ داڑکن فنانسنگ و نظام الاوقات نا ہدف آتا تعین المی ءِ، نن تنکی تا مون ءِ توننگ نا بابت کروک آ قول آتا پوروی نا چاری اُن۔ نوکاپ نا بھسکاری نا مون ءِ توننگ کن درکار و دوئی وسیلہ غاتیٹی پرخ بھاز زیات ءِ وخت اس کہ پاکستان موسمیاتی و چاگڑدی بدلی آن غٹ آن زیات زہمی ملک ءِ۔ اوپارے کہ جہانی برادری چاگڑدی بدلی نا سوب نسخان تا پوروی و بحالی نا گام گیج آتے کوپ۔ 27 نا ایجنڈاٹی اوار کے تانکہ بھاز بے وڑ زہمی آبادی نا گرج آتے پورو کننگ مرے۔ پبلک فنانسنگ و وام تا مشکل آتا سوب آن چاگڑدی بدلی تیان زہمی مروک آ ملک آک بشمول پاکستان ءِ تینا وسیلہ غاتیان بحالی نا گام گیج آتیٹی مشکل مون تروک ءِ، و مسٹ میکو نمبر آ کلائیمیٹ فنانس نا تشریح نا گرج ءِ تانکہ شفاف وڑاٹ چاگڑدی بدلی نا ازالہ کن درکار و ودکی وسیلہ غاتا دوئی کننگ ءِ پک کننگ مرے ہراڑان پدتموک و زہمی ملک آتیٹی بحالی نا سرجزآتیٹی ترندی اتنگ مریک۔ اوپارے کہ نن پیدوار وڑاٹ چاگڑدی بدلی نا نسخان و دا بابت شونداری فنڈآتا بایدے تعین ءِ کین۔ وزیراعظم پاکستان پارے کہ نن کیہی سال آن دا ڑا شرہ کننگ اُن ولے بنداوی ہدف آتیا متفق مننگ کتون۔ 2009 ء ٹی کوپن ہیگن اٹی اڈ ہلوک کوپ ۔ 15 ٹی سال 2020ء اسکان ارب آ ڈالر آتا وسیلہ غاتا فراوانی نا قول داسکان پورو مننگ کتنے، دافتے ٹی ودکی نا گرج ءِ۔ چاگڑدی بدلی نا اثرآتا رداٹ فنڈ آتا فراوانی ٹی ودکی ہم المی ءِ۔ وزیراعظم جہانی برادری ءِ متوجہ کرے کہ گلوبل کلائیمیٹ رسک انڈیکس ننا بایدے چارمیکو اولیت مرے و اقوام متحدہ نا سروکی ٹی دا بابت گام گیج المی ءِ۔ اوپارے کہ ایلو کیہی ملک آتا مقابلہ ٹی پاکستان 2030 ء اسکان کن مقررہ ہدف آتا دوئی کننگ کن زیات گام گیج کرینے۔ نن تینا زمواری تے جوانی اٹ بلد اُن و نن کاربن نا اخراج نا چٹفنگ کن سنبرینگوک اُن۔ وزیراعظم محمد شہباز شریف پارے کہ ٹیکنالوجی ، فنانسنگ و کاریم نا کچ اٹی پرخ ءِ چٹفنگ نا گرج ءِ تانکہ چاگڑدی بدلی نا مون ءِ توننگ مرے۔ نوکاپ آن پاکستان بھاز بے وڑ زہمی مسنے، ننے خولم درآمد کروئی تمنگ ءِ، پام آئل و کبین تیل و گیس انا درآمد آ کم وود 30 آن 32 ارب ڈالر خڑچ کننگ اُن۔ ہندا وڑ نن تینا دوئی وسیلہ غاتیان لکھ آ زہمی خاہوت آتا بنداوی گرج آتے پورو کننگ نا کوشست کننگ اُن۔ نن بے نظیر انکم سپورٹ پروگرام نا رداٹ 316 ملین ڈالر آن زیات خاہوت ءِ 113 ڈالر نا ادائیگی کننگ اُن۔ ہراڑان نوکاپ آن زہمی علاقہ غاتیٹی 300 ملین نا خڑک خاہوت آتا کمک ءِ کننگ انگ ءِ۔ اومستی پارے کہ یخ آک بننگ ءُ لکھ آ زہمی تیکن شیلٹر، اُرا، درمان و فوڈ پیکج نا گرج ءِ ، ملک انا چندی صوبہ غاتیٹی ارب آ روپئی تینا وسیلہ غاتیان خڑچ کننگ اُن۔ وزیراعظم گمان ظاہر کرے کہ دا کانفرنس نئے بیرہ دا پیدوار کلہو ءِ سرپند مریک بلکن ویل آتا چٹفنگ کن جہانی کہول انا کڑد تخوک ادارہ غاتسکان ہم ننا توار ءِ جہانی برادری اسکان سرکیک۔ اوپارے کہ جہانی برادری چاگڑدی بدلی نا ویل آتا چٹفنگ کن تینا کڑد ءِ ادا کے۔