اسلام آباد۔ 09 نومبر (اے پی پی) وزیراعظم پاکستان محمد شہباز شریف شاعر مشرق علامہ محمد اقبال ءِ خراج عقیدت پیش کرسا پارینے کہ او اسہ عظیم ءُ فلسفی، مفکر و ادیب اس آخا بلکن قاری و مفسر ءِ قرآن اس ہم ئسک۔ چارشنبے نادے آ اقبال دے آ تینا ٹویٹ اٹی اوپارے کہ اقبال نا کلام ذہنی و قلبی انقلاب نا ذریعہ ئسک و اینو ہم وخت و سیم …
اقبال نا کلام ذہنی و قلبی انقلاب نا ذریعہ ئسک، اینو ہم وخت و سیم انا قید آن پیش تمسا مچ آ دنیا اسکان سرمننگ ءِ، وزیراعظم شہباز شریف
اسلام آباد۔ 09 نومبر (اے پی پی) وزیراعظم پاکستان محمد شہباز شریف شاعر مشرق علامہ محمد اقبال ءِ خراج عقیدت پیش کرسا پارینے کہ او اسہ عظیم ءُ فلسفی، مفکر و ادیب اس آخا بلکن قاری و مفسر ءِ قرآن اس ہم ئسک۔ چارشنبے نادے آ اقبال دے آ تینا ٹویٹ اٹی اوپارے کہ اقبال نا کلام ذہنی و قلبی انقلاب نا ذریعہ ئسک و اینو ہم وخت و سیم انا بندی آن پیش تمسا مچ آ دنیا اسکان سرمننگ ءِ۔ فکر اقبال آ چلینگسا پیام اقبال ءِ پورو کروئی ءِ۔ اوپارے کہ پاکستان نا ورناتے اینو فکر و اقبال نا پاروک آتیان راہشونی ہلنگ ناگرج ءِ۔ ہندا خاطران نومبر نا تُو انا ہردے ءِ نن فکر اقبال نا مون آ دننگ نا ذریعہ جوڑ کینہ۔ وزیراعظم پارے کہ اقبال شناس شخصیت آتیا تالان قومی کمیٹی دافرض ءِ سرتننگ ءِ۔ اسہ ورناسے نا طرزعمل انت مرے، ننے دادے حضرت اقبال آن ہیل کروئی ءِ۔
