علامہ اقبال نا نظریہ و قدر چندی چین تے زہمی کرے، مسلمان تیکن اسہ جتاءُ وطن اسے نا تصور ءِ پیش کننگ آ اودے خراج عقیدت پیش کینہ، صدر مملکت ڈاکٹر عارف علوی

اسلام آباد۔ 09 نومبر (اے پی پی) صدر مملکت ڈاکٹر عارف علوی پارینے کہ علامہ محمد اقبال نا نظریہ، قدر و پوسکن آ سوچ مچ آ دنیا نا ادیب و فلسفہ غاتا چندی چین تے زہمی کرے، اینو نن برصغیر نا مسلمان تیکن اسہ جتا ءُ وطن اسے نا تصور ءِ پیش کننگ آ اودے خراج عقیدت پیش کینہ ۔ ایوان صدر میڈیا ونگ انا کنڈآن جاری بیان نا رداٹ ڈاکٹر عارف علوی علامہ محمد اقبال نا ودی دے انا وخت آ تیان کلہو اٹی پارے کہ اینو نن مشرق نا عظیم مفکر، فلسفی و شاعر آتیان اسٹ ڈاکٹر علامہ محمد اقبال ءِ خراج عقیدت پیش کینہ۔ اوپارے کہ علامہ اقبال نا نظریہ ، قدر و پوسکن آ سوچ مچ آ دنیا نا ادیب و فلسفی تا چندی چین تے زہمی کرے۔ صدر مملکت پارے کہ اینو نن برصغیر نا مسلمان تیکن اسہ جتا ءُ وطن اسے نا تصور ءِ پیش کننگ آ اودے خراج عقیدت پیش کینہ۔ اوپارے کہ علامہ اقبال تینا شاعری، نثر و تقریر اٹی علم دوئی کننگ نا کلہو ءِ تس۔ علامہ محمد اقبال علم ءِ زند ءِ پہہ مننگ، حقیقت نا درک و روحانی تکمیل نا بڑزکو مدارج آتا دوئی کننگ و شونداری و شونہالی کن کاریم اٹ اتنگ نا تعلیم تس۔ اومستی پارے کہ علامہ اقبال ننے خود اعتمادی، خواری و جدت فکر اتون زند انا ہر پلو اٹی خود انحصاری دوئی کننگ نا درس تس۔ ڈاکٹر عارف علوی پارے کہ علامہ اقبال تینے آ یخین تخنگ، عزت نفس، خودی، وقار، مذہبی ، راجی و دودوربیدگی قدر آ سمجھوتہ کننگ آن بیدس پوسکن آ ایسر اس پٹنگ نا جہد کننگ نا تعلیم تس۔ اوورناتے عقاب نا مانند عظیم و پوسکن آ گمان تا پٹنگ ءِ برجاتخنگ نا درس تس۔ ڈاکٹر عارف علوی پارے کہ علامہ محمد اقبال ورناتا چندی چین تے زہمی کرے ودا چرجوئی داسہ ہم برجاءِ۔