علامہ اقبال نا ودی دے آ پاک فضائیہ نا شعبہ تعلقات عامہ نا گونڈ ءُ دستاویزی ویڈیو اس جاری

کراچی۔ 09 نومبر (اے پی پی) پاک فضائیہ نا شعبہ تعلقات عامہ علامہ محمد اقبال نا ودی دے انا رداٹ اسہ گونڈ ءُ دستاویزی ویڈیو اس جاری کرینے۔ ترجمان پاک فضائیہ نا کنڈآن چارشنبےنادے آ جاری اعلامیہ نا رداٹ ویڈیو ٹی شاعر مشرق ءِ خراج عقیدت پیش کننگانے۔ اقبال نا شاعری ٹی فکر وخیال نا گہرائی ملک، تخلیق ارض پاک اونا فکری کوشست آتیان سرانجام مسنے۔ ورناچین ءِ شاہین نا خطاب ترسا اقبال ہراڑے اوٹی رفعت خیال، جوزہ عمل، وسعت نظری و جیرت رندانہ ودی کننگ خواہسکہ ہموڑے اونا جوزہ تجسس نا پبی پوروی ءِ ہم خواہسکہ، شاہین ہرا چک آتا دنیا نا درویش ءِ، تینا خودی ءِ چاہک، تجسس اونا فطرت و ہلنگ اونا عادت ءِ۔ او فضائے بسیط نا اسٹ انگا حکمران ءِ ہرا فضا و بڑزی تون مہر ومریبت کیک۔ دستاویزی فلم اٹی داقول انا پوسکنی ءِ کننگانے کہ پاک فضائیہ نا ہر شاہین لمہ وطن نا رکھ کن ہروخت تیار سلے و گرج تمنگ آ ہروڑنا قربانی ایتر۔