شونداری و شونہالی کن علامہ اقبال نا کلہو آ عمل کننگ نا سخت گرج ءِ، بنجائی وزیر تعلیم رانا تنویر حسین

اسلام آباد۔ 09 نومبر (اے پی پی) بنجائی وزیر تعلیم و کسبی تربیت رانا تنویر حسین قوم آ زور شاغانے کہ او اقبال نا وژن ءِ مون آ تخسا پاکستان ءِ شونہال و جہانی برادری نا سوگو باسک اس جوڑ کننگ کن اواری اٹ کاریم کیر، علامہ اقبال نا کلہو آ عمل کننگ نا سخت گرج ءِ ہراقوم انا شونداری و شونہالی کن اسیجائی کوشست آتیا چکار کیک، چارشنبے نادے آ تینا کلہو اٹی اوعظیم فلسفی و شاعر علامہ اقبال ءِ اونا ودی دے آ خراج عقیدت پیش کرسا پارے کہ دا دے یات ترفنگ نا موقع ءِ کہ علم انا دوئی کننگ و پدریسہ خواری ہی زند انا اصل مسخت ءِ۔ اوپارے کہ علامہ اقبال نئے بیرہ پاکستان نا تغ ءِ خنا بلکن پاکستان ءِ جوڑ مننگ آن پد ہراویل آتون مون تروئی تما اوفتے ہم تالان کرے۔