مزن وزیر  شہباز شریف   مصر ءِ دو روچی  تر ءُ تاب ءِ  سرجم کنگ ءَ پد  وطن   ءَ واپس  روادگ  بوتگ

شرم الشیخ۔9نومبر  (اے پی پی): مزن وزیر  محمد  شہباز شریف مصر  ءِ دو روچی   تر ءُ  تاب ءِ سر جم کنگ ءَ پد  وطن  ءَ واپس  روادگ بوتگ۔ سئے شمبے ءِ روچ ءَ   شرم  الشیخ  ائیر پورٹ  ءِ سر ءَ مصر ءِ حکومت ءُ پاکستانی  سفارتخانہ ءِ  مزن تکی کارندہ  آں مزن  وزیر  ءُ آئی  ءِ ڈل ءَ را     برو پہ  ھیر کتگ۔ وتی دو رچی  تر ءُ تاب ءِ ساھت ءَ   مزن وزیر کاپ-27  سروک دیوان  ءَ  ھوار  بازیں مزن تکی دیوان آنی  تہ ءَ بھر زوری کتگ۔  وت  ھمکار  آنی گوما دو نیمگی گند ءُ نند کتگ  ءُ میاں اوستمانی میڈیا   ءَ ھم  گپ ءُ تران  کتگ۔  مزن وزیر   ءِ ھمبراھ  وزیر ءِ درئی کار  ، بنجاھی وزیر موسمی مٹ ءُ بدلی  ءُ وزیر ءِ اھوالکاری   ءَ ابید وزیر ءِ  مملکت  برائے درئی  کار  ھم  ھمبراہ ات۔  مزن   وزیر ءِ ھاسیں  کمکار فہد حسین ءُ سید طارق  فاطمی  ھم ڈل ءِ  ھمبراہ  ات۔  موسم زانتی  سروک دیوان ءَ  مزن  وزیر ءَ ناروے ءِ   ھمکار   آنی گوما    "موسمی مٹ ءُ بدلی ءُ ھمزوریں کمیونٹیز  آنی   مھکمی”   ءِ بن گپ   ءِ سر ءَ  یک مزن تکی گول میز  باست ءُ  واست  آنی    یکجائی دیوان ءِ  سروکی کت۔  آئی ءَ سعودی ولی عد  ءُ مزن وزیر محمد  بن سلمان   ءِمیزبانی  ءَ    "مڈل ایسٹ گرین انیشیٹو سمٹ”  ءَ  ھم بھر زوری کت۔ کاپ -27   ءِ   یل شلیں بھر  18 نومبر  ءَ تاں  جاٖڑی بیت۔  گروپ 77  اینڈ  چائنہ  ءِ استیں چیئر  ءِ بستا ر ءَ  ،  پاکستان  موسمی  مٹ ءُ بدلی،  مالیات،  موہ،  گر  ءُ دار  ءُ  ازمکاری   آنی دیمروئی  وڑیں  بن گپ آنی  شوبگ ءَ موسمی  مٹ ءُ بدلی ءِ ھوالگ  ءَ سول ءُ تران  آنی  نوک دیمروئی کنوکیں ملک آنی   سروکی ءَ کنگ ءَ انت۔