مزن وزیر  شہباز شریف  ءِ   مصر  ءِ تر ءُ تاب: شرم الشیخ   ءَ کوپ-27  کلائمیٹ  ایمپلی منٹیشن  سمٹ  ءُ مزن تکی  مراگش آنی  تہ ءَ بھر زوری،  جتا جتائیں  میاں  اوستمانی سروک آں گوں دو نیمگی  گند ءُ نند

شرم الشیخ۔8نومبر  (اے پی پی): مزن  وزیر  محمد  شہباز شریف  ءَ  7  ءُ  8  نومبر  2022   ءَ مصر  ءِ شہر  شرم الشیخ   ءَ کوپ -27   کلائمیٹ ایمپلی منٹیشن  سمٹ  ءَ بھر زوری کت۔  وتی  دو روچی تر ءُ تاب   ءِ ساھت  ءَ  مزن وزیر   ءَ  بازیں مزن تکی  مراگش آنی تہ ءَ بھر زوری کت۔  جتا جتائیں لیڈر  آنی گوما دو نیمگی گند ءُ نند  کت  وھدیکہ وتی    ارزشتیں  منصوبگ آنی گوما   ءُ میاں  اوستمانی مٰڈیا  ءَ   گوں  گپ ءُ تران  کت۔ مزن وزیر  ءِ  گوما  ڈل ءَ   وزیر ءِ درئی کار بلاول  بھٹو  زرداری،  وزیر ءِ مملکت برائے درئی کار حنا ربانی  کھر،   وزیر ءِ اھوالکاری  ءُ شنگ کاری مریم اورنگزیب،  وزیر ءِ موسمی مٹ ءُ بدلی  شیری رحمن،  مزن   وزیر    ءِ ھاسیں کمکار سید فہد حسین  ءُ سید طارق  فاطمی  ھم  ھوار اتنت۔   ماحولیاتی مٹ ءُ بدلی  آنی سروک  دیوان ءَ  مزن وزیر ءَ ناروے  ءِ مزن وزیر  ءِ ھمبراھی  ءَ   مزن تکی  گول  میز کانفرنس  ءِ  یکجائی  سروکی  کت۔  مزن وزیر  ءَ سعودی عرب  ءِ ولی عہد ءُ وتی میزبانی ءَ   برجمیں  مڈل ایسٹ گرین انیشیٹو   ءَ ھم بھر زوری کت۔   آ ماحولیات ءِ ھوالگ ءَ تاوان  ءُ  نکسان آنی   پد  ءَ گامگیج ءُ کمک آناں ودینگ ءُ ماحولیاتی بیم آنی ھوالگ ءَ  میاں اوستمانی دیمپانی ”  ءِ  بن گپ    ءِ پد ءَ یک مزن تکی  بریک فاسٹ  مراگشے ءَ ھم  بھر زوری  کت  ایشی ءِ  جرمنی  ءِچانسرل ءُ گھانا ءِ صدر ءَ یکجائی    ءَ میزبانی  کت۔  مزن وزیر  ءَ سمٹ  ءَ راجی بیان   ھم دات۔  مزن  وزیر ءَ وتی  تران ءَ پاکستان     ایش ماحولیاتی مٹ  ءُ بدلی   ءِ ھرابیں رند  پد آں چہ درستاں چہ گیش  آماچ  بوتگ ءُ ھاسیں رنگ ءَ استیں موسمی مٹ ءُ بدلی   ءِ   سبب ءَ سیلاپ آنی  ھوالگ ءَ  دلگوش   کنان ءَ راجی  لیکہ   ءَ را مھکمی ءِ گوما   پیش کت ءُ میاں اوستمانی سروک آں ماحولیات ءِ ھوالگ ءَ پاکستان ءِ  مھکمیں   رنگ ءَ  نوک سر جوڑیشت  ءِ کم  ءِ  دعوت   دات۔  ماحولیاتی  کنونشن ءِ   استیں کار رپک ءُ رھبند  آنی سروکی ءَ زوتیں رنگ  ءَ  ماحولیاتی  گامگیج آنی واستہ  میاں اوستمانی کمک آنی  سر ءَ زور   پر دیان ءَ مزن وزیر ءَ گوشت کہ  ماحولیاتی  کانفرنس ءِ مھکمیں   آسر برآمد  کنگ بہ بیت  ءُ موسمی مٹ ء بدلی  ءِ ھرابیں رند  پد  آں گوں گر ءُ چیل بوھگ ءِ وستہ   گوں مزن جگری ءَ پیسلہ  کنگ  بہ بیت۔  کانفرنس ءِ ھوالگ ءَ   پاکستان ءِ   اول سرئی کار آنی سر ءَ چمشانک  دیان ءَ  مزن وزیر ءَ نوک دیمروئی کنوکیں   ملک آنی   کار رھبند  ءُ ضلورت  آناں پیلو کنگ ءِ واستہ ترند گامگیں  موہ   ءُ مالی آسراتی پجاری    کنگ ءِ  ضلورت  ءِ سر ءَ زور پر دات۔  آئیءَ موسمی   مٹ ءُ بدلی ءَ چہ پیداک بوھوکیں تاوان   ءُ  ایشاناں  گر ءُ  چیل بوھگ ءِ واستہ  فنانسنگ  ءِ آسراتی   ءِ   سر ءَ زور  پر دات  ءُ  کوپ  ایجنڈا  ءِ چیر دستی ءَ تاوان   ءُ   نکسان  آنی گر ءُ دار ءِ وستہ فنڈنگ  ءِ انتظامی   کار رپک  یک شلیں  رنگ ءَ   منوگری کنگ ءَ را  وش اتک کت    ایش  کلیتی   بستار  ءِ دار ائیت ایشی  ءِ  پد ءَ   پاکستان گروپ ءِ  77  ءِ  چیرمین  ءِ  رد ءَ  انت۔  اے وہ ءَ مزن وزیر ءَ بازیں  میاں اوستمانی سروک  آنی گوما  لس رنگ ءَ  گپ ءُ  ترا  ن ءُ گند ءُ نند کت  ایشانی تہ ءَ سعودی عرب    ءِ ولی عہد ءُ مزن وزیر،  جرمن چانسلر، مصری  صدر  ءُ ناروے  ءِ  مزن  وزیر ھوار اتنت۔  اے گند ءُ نند آنی ساھت ءَ   دو نیمگی    پراھ ءُ شاھیگانیں  شوبگ آنی تہ ءَ کمک  آنی  وستہ  وت مہ وتی  واھگی   کار آنی سر ءَ  ھیال ریچی کنگ بوت۔   مزن وزیر ءَ اے موہ ءِ سر ءَ یونائیٹڈ نیشن  ءِ سیکرٹری جنرل   ءَ گوں ھم  گند ءُ نند کت ءُ کوپ- 27    ءَ پاکستان  ءِ  ماحولیاتی مٹ ءُ بدلی ءِ ھوالگ   ءَ چست  کتگیں گامگیج    آنی  بابت ءَ سرپد ی ءِ  واستہ  پاکستان پویلین   ءَ یکجائی  پریس کانفرنس    ءِ – کوپ-27  ءِ یک شلیں  چست ءُ ایر  18 نوبر  2022  ءَ تاں  جاڑی بنت۔  گروپ 77  ءِ صدر  ءِ بستار ءَ پاکستان   موسمی مٹ ءُ بدلی   رند پد  آں ھور   ماحولیاتی  فنانس،  موہ،  گر ءُ دار ءُ  کار رپک آنی ھوالگ ءَ  گپ ءُ تران  آنی  تہ ءَ  نوک دیمروئی  کنوکیں  ملک آنی سروکی  ءَ کنگ ءَ انت۔