یونائیٹڈ نیشن ءِنظام ءِچیر دستی  ءَ  میاں  اوستمانی  موسمیاتی رسک انڈیکس   جوڑ کنگ لوٹ ائیت،   ھمزوریں ملک آنی واستہ ساپ ءُ سلہ  ایں کار رپک  ءِ چیر دستیءَ موسمی  مٹ ءُ بدلی فنانس ءِ نوکٰں ، اگیشیں  ءُ مھکمیں   آسراتی آنی رد ءَ نظام   ءِ  ضلورت انت،  مزن وزیر شہباز شریف

شرم الشیخ ۔8نومبر  (اے پی پی):مزن وزیر  شہباز شریف  ءَ نوک  دیمروئی کنوکیں   ءُ ھمزوریں ملک آنی  ضلورت آناں پیلو کنگءِ واستہ  ساپ ءُ سلہ ایں  کار رپک   ءِ چیر دستی  ءَ موسمی  مٹ ءُ بدلی   فنانس  ءِنوکیں ، گیشیں  ءُ  مھکمیں آسراتیءِ ضلورت ءِ سر ءَ زور  پر دیان ءَ گوشتگ کہ موسمی مٹ ءُ بدلی  تباہی    ءِ فرنٹ لائنز  آنی سر  ءَ  گواچنی  برجائی ءِ ضلورت  ءَ را  برجا دارگ  ءِ واستہ  استیں  مالیاتی   پریک  باز   گیش  انت،  یونائیٹڈ  نیشن ءِ  نظام ءِ چیر دستیءَ یک میاں اوستمانی  موسمی  رسک  انڈیکس  جوڑ  کنگ لوٹ ائیت،   ایش انوں  یا اچبر    والا جیڈ ھ  ات۔  پیرس   منوگری ءَ بیان  کتگیں  کار رپک   ءَ چہ  ھم گیش زمہ واری  آنی شرپ  بہ بیت۔ اے ھیالانی درشانی آئیءَ  یو این  کلائمیٹ چینج  کانفرنس  کوپ 27  ءِ سروک  دیوان ءَ  گشتانک دیان ءَ  راجی   لیکہ آنی   رد ءَ  پیش کنان ءَ کت۔   مزن وزیر ءَ کوپ  27  کانفرنس   ءِ  میزبانی  ءِ رد ءَ مصر ءِ  صدر عبدالفتح  السیسی ءَ را مبارک بات  پیش کنان ءَ کت   کہ کوپ   27   ایوکیں پلیٹ فارم انت   کہ ادا   بنی آدم  آنی  رکھینگ  ءَ را   یک مول ءُ مرادے ءِ  رنگ ءَ   چار ءُ  بچار   کنگ بیت۔  اے یک انچیں فورم  ات   کہ ادا ھمزوریں  ملک وتی جیڈھ  امیر  ءُ  آسراتی   والائیں ملک آنی دیم ءَ پیش  کت کناں تانکہ انصاف ءِ یکجائی مول  ءُ مراد  در جنگ بہ  بنت  ءُ   یک انچیں دگنیاے ءَ  ضلوریگیں پالیسی  آنی برجائی  ءِ واستہ   روڈ  میپ  وتی    کنگ بہ بنت   ایش مئے  ازمکاری ءَ چہ گیش ترندی ءِگوما برجا  بوھگ ءَ  کمک  بکن  انت۔  آئیءَگوشت کہ پاکستان ءَ سیلاپءَ چہ   33 ملین  مردم  آماچ بوتگ انت  ایشانی تہءَ  نیم ءَ چہ گیش زالبول  ءُ زھگ  ھوار انت۔   ملک ءِ زر باری  دمگ آنی تہءَ  نیم کساس ءَ چہ  ھپت سرئی   گیش ھور  بوتگ ،  ما  آپ بوھوکیں  گلیشیئرز  آں چہ   بوھوکیں  تباہی ءَ چہ رکھگ ءِ واستہ   کوشست  کنگ  ءَ آں۔  آئیءَگوشت کہ  سیلاپ ءِسبب ءَ  ملک ءِ گوریچان  ءَ  8 ہزار  کلومیٹر  ءَ چہ گیش  سڑک  تباہ بوتگ انت،  3 ہزار  کلومیٹر  ریلوے ٹرک   آناں  تاوان  رستگ ءُ  سدانی  پل  پرشتگ انت ءُ   کشار   آناں ھم تاوان  رستگ۔   آستوک آستوک  مردم آناں   وتی پاد آنی سر ءَ اوشتگ ءِ    کوشست   ءَ کنگ ءَ آں۔  مزن وزیر   ءَ گوشت کہ  سیلاپ   ءِسبب ءَ   ملک ءِ  30  ارب  امریکی ڈالر ءِتاوان   رستگ۔  آئیءَگوشت کہ مئے ملک ءِ   کاربن  گیس آنی یلو بوھگ ءِ  یک درسد  ءَ چہ  کم  انت۔  آئیءَگوشت کہ فنانسنگ ءُ تائم  لائن  دوئیں  رد ءَ    بن  گپ  آنی میاں اوستمانی سیم سر آناں  ترجی دیگ ءِ ضلورت انت۔  ما  انوگ ءَ تاں     موہ ءُ مالیات ءِھوالگ ءَ  کتگیں سوگند آنی تہءَ   یل شلی نہ دیستگ۔  موسمیٹ  مٹ ءُ  بدلی  ءِ فرنٹ لائنز آنی  سر ءَ استیں   مردم  آناں گواچن  ءِ برجائی   ءِ ضلور ت ءَ را برجا دارگ ءِ  واستہ   استیں مالیاتی  پرک  باز گیش  انت۔    آئیءَگوشت کہ استیں تاوان  آناں سرجم  کنگ ءِ  جیڈھ کوپ  27  ءِ  بنیاتی ایجنڈا  آنی  بھر  جوڑ  کنگی  انت تانکہ   اے مردم آناں  بنی  آدمی ضلورت  ءَ را  پیلو   کنگ بہ بیت   ایش وام آنی سبب ءَ  السی  مالی کمک ءِ   ڈکال ءَ  پستگ انت  ءُ  پدا  ھم ایشرا  وتی  رنگ ءَ  موسمی   ھور ءُ ھار  آنی    گوما گر ءُ چیل  بوھگ ءِ واستہ فنڈز  پجاری کنگ    کپگ ءَ انت۔   مزن وزیر ء۔ گوشت کہ  کلائیمیٹ فنانس  ءَ را سہرائیں رنگ ءَ نوکیں ، گیشی  ءُ مھکمیں   آسراتی ءِ رنگ ءَ  یک ساپ ءُ سلہ ایں  کار رپک  ءِ گوما  بیان  کنگ لوٹ ائیت۔   ایش نوک دیمروئی   کنوکیں  ءُ ھمزوریں ملک آنی ضلورت   ءَ را  اے   کار گام   ءُ  کچ ءُ کساس  ءِ گوما  سرجم  کنت ھما  کہ ضلورت انت۔  آئیءَ گوشت کہ میاں اوستمانی برات آنی نیمگ ءَ چہ  سکیں  وھد ءَ کمک   ءِ پد ءَشگر ءُ منت وار آں۔  آئیءَ گوشت کہ دگنیا   ءَ را  مئے سکی  آناں پھمگ لوٹ ائیت۔ ایندگر ملک  ھم  اے وڑیں  موسمی مٹ ءُ بدلی یا  بنی آدمی   کدرتی  آپت آنی آماچ  بوت کناں۔  آئیء۔گوشت کہ  مارا  وتی انفراسٹرکچر  ءِ برجائی  ءُ  نوک سر  جوڑ یشت ءِوستہ  وام آنی مٹ ءُ گیشیں  فنڈ   ءِ ضلورت انت۔  آئیءَ گوشت کہ  ایش دل یکیم  انت  کہ  اے کوپ  ءِ برجائی ءَ چہ  کنونشن  ءُ  پیرس  منوگری ءِسیم  سر  آناں   در جنگ ءِواستہ  یکجائی بنیات   پجاری  بنت۔  ایش انوں  یا  اچبری  ءِ  جیڈھ   انت  ءُ مئے   واستہ   بندر ءَ  دگہ دومی  زمین  نیست انت۔