مزن  وزیر  محمد شہباز شریف ءِ سکھ  سروک  بابا  گرونانک   ءِ  ودی  بوھگ ءِ  موہ ءَ  سرجمیں  دگنیا ءَ چہ  پاکستان ءَ آیوکیں سکھ  زیارتی مردم آناں  وش اتک  

اسلام آباد۔8نومبر  (اے پی پی): مزن وزیر  محمد  شہباز شریف ءَ  گوشتگ کہ سکھ  سروک  بابا گرونانک ءِ  ودی بوھگ ءِ روچ ءِ موہ ءَ سرجمیں دگنیا ءَ چہ  پاکستان  ءَ آیوکیں سکھ  یاتری آناں   وش اتک  کنانءَ  گوشتگ کہ  آوانی زندمان  ءُ  آئی  کلوہ  ایمنی ءُ  براتی  ءِ  درس ءَ دنت۔  سئے شمبے   ءَ  وتی  ٹویٹ  ءَ آئی ءَ گوشت کہ   مرچی  پاکستان  ءَ ھوار  سرجمیں  دگنیا ءَ سکھ  برات  بابا گرونانک   دیو ءِ  553  ودی  بوھگ ءِ روچ ءَ  برجم دارگ ءَ انت،   بابا  گرونانک  ءِزندمان  ءُ   آئی  کلوہ   یکوئی ءُ  ایمنی ءِ سبک ءَ  دنت انت۔  آئی  ءَ  گوشت کہ    اے شرپ مندیں روچ ءَ  سرجمیں  دگنیا ءَ چہ آیوکیں   سکھ یاتری  آناں  وش اتک کناں ءُ امیت کناں کہ  پاکستان ءَ   آ  وانی  جھلگ  ءِ ساھت  ءُ موہ  گوں جوانی ءَ  گوزنت۔