موسمی  مٹ ءُ  بدلی ءِ  بار  برابری ءِ بنیات ءَ  ناں   ساپ ءُ سلہ  ئی ءِ   رنگ ءَ  بھر ءُ بانگ   بہ بنت،  موسمی  مٹ ءُ بدلی  ءِ  رند  پد آنی گوما  گر ءُ چیل  بوھگ ءِ  گامگیج  کنگ نہ بوت گڈا  2050  ءَ تاں   216 ملین  مردم  بے  گس  بنت،  مزن وزیر شہباز شریف  ءِ گول   میز  کانفرنس  ءَ گوں گشتانک

شر م الشیخ۔8نومبر  (اے پی پی): مزن وزیر   محمد شہباز شریف  ءَ گوشتگ کہ موسمی  مٹ  ءُ بدلی  ءِ  بار  برابری ءِ بنیات ءَ ناں  ساپ ءُ سلہ  ئی ءِ  رنگ ءَ  بھر  ءُ بانگ  کنگ بہ بنت،  اے موسمی انصاف ءِ جیڈھ   ات، موسمی  مٹ ءُ بدلی ءِ رند  پد  درستاں چہ گیش  ھمزوریں تبک  ءِ    سر ءَ  کپ انت،  پاکستان ءَ استیں سیلاپ   ءَ چہ  33 ملین  مردم  آماچ  بوتگ انت،  4410  ملین  ایکڑ  کشت ءُ کشاری  زمین  آناں تاوان  رستگ،  کساس  40 لکھ زھگ آناں جان سلامتی ازمت  ءِ آسراتی  گون  نیست،  موسمی  مٹ  ءُ بدلی   ءِ رند  پد آں گوں گر  ءُ  چیل  بوھگ ءِ واستہ گامگیج   کنگ نہ بوت  گڈا دگنیا   ءَ  2050  ءَ تاں  216 ملین   مردم  بے  گس بنت۔ اے  ھیالانی درشانی  آئیءَ   ناروے  ءِ  مزن وزیر  جوناس گہر سٹور  ءِ ھمبراھی  ءَ موسمی  مٹ  ءُ بدلی  ءُ ھمزوریں  کمیونٹیز  آنی برجائی ءِ   بنگپ  ءِ  یکجائی  کانفرنس  ءِ  سروکی ءَ  کنانءَ  کت۔  مزن وزیر  ءَ   گوشت کہ ما درست  اے گپ ءِ سر ءَ   تپاک  انت  کہ موسمی  مٹ  ءُ بدلی  اے کرنے  ٹوھیں ڈکال  انت  ءُ ما  ایشی ءِ  ھلاپ ءَ  وتی یکجائی جنگ ءَ  تاریخی  بھر ءَ  آں۔   مئے  کرا ھاسیں رنگ ءَ    اے وڑیں  ملکءُ  کمیونٹیز   است کہ آ سک باز  بیم   ءَ گوں آماچ انت،   آوانی واستہ  دگنیا  ءَ  زمین  نیست انت۔ آئی ءَ گوشت کہ  نوں  ایش یک  سائنسی راستی  ات  کہ موسمی  مٹ ءُ بدلی ءُ گلوبل  وارمنگ  مئے منصوبگ  بندی ءَ چہ  باز گیش ترندی ءَ گوں بوھگ ءَ انت۔   اے ھم یک گواچن ات کہ   نوک دیمروئی کنوکیں   ملک ءُ  کمیونٹیز   آ کہ فرنٹ لائن  ءِ سر ءَ انت ۔  آرا  کمک ءِ ضلورت  انت۔  بازیں ملک ھاسیں  افریقی  ملک  آواناں   ڈکال   ءِ گوما دیم پہ دیمی انت۔ آئی ءَ گوشت کہ  گیشتریں  موسمی  مٹ  ءُ بدلی     سیلاپ   ءُ ایشی ءَ چہ  پد جان سلامتی  وڑیں  آسراتی  جنم  زور انت۔  ایشانی  تہءَ  جسمانی   ءُ زہنی   جان سلامتی دوئیں ھوار  انت۔  آماچیں  دمگ آنی  تر ءُ تاب ءِ ساھت ءَ   کیمپ  ءَ  مشکل   ءِ  آماچیں    مردم آناں  چار  تگ    ءُ یک ھپتگے  پیسر   ءَ تاں 82  لکھ مردم آناں جان سلامتی ءِ  ازمت  آنی زوت  ضلورت  بوتگ۔  من  پھم آں کہ اے رنگیں جان سلامتی   جاور ھال    اے  براعظم  ءَ ھم  لس  انت  ءُ   ادا درستاں  یات ءَ گیجگ  ضلوری انت کہ اے  ھرابیں موسم   ،  ڈکال ءِ سبب  ءَ گیش  بنت ءُ اے یک نوکیں  ھیل  ءُ عادت ءِ جوڑ   مہ بیت۔  مزن وزیر ءَ گوشت  کہ بنی آدم  نوکیں  موسمی  مٹ ءُ  بدلی   ءِ   یک نوکیں جاور ھال ءِ  تہءَ    داخل بوتگ انت۔   پاکستان ءَ ھرچی بوھگ ءَ انت  ایش ایوک ءَ  پاکستان ءَ نہ بنت  ایشی ءِ درور  نائجیریا ءُ   زر باری  سوڈان ءَ  موسمی  مٹءُ بدلی ءِ استیں رند  پد آں چہ سہرا  بوتگ۔  آئی ءَ  گوشت کہ  میاں اوستمانی تک ءَ  موسمی مٹ ءُ بدلی  ءِ  واستہ  یک شل ءَ  یکجائی   لیکہ  ءِ ضلورت  بیت  تانکہ  درستاں چہ گیش ھمزوریں  تبک ءِ  کمک    کنگ  بوت  بکنت۔  مزن وزیر  ءَ  گوشت کہ  میاں  اوستمانی  بینک  ءِ اندازہ  انت کہ اگاں ما  موسمیاتی  مٹ ءُ بدلی رند پد آنی گوما گر ءُ چیل بوھگ ءِ واستہ   انوں گامگیج نہ کت  گڈا  2050 ءَ تاں   2016  ملین  مردم  بے گس  بنت  ایشانی  گیشتریں  کساس افریقہ ءُ  زر باری  ایشیا  ءَ بیت  ایشانی تہءَ  40 ملین  مردم   زر باری ایشیائی ، 85.7  ملین  سبز کمک افریقہ  ءُ  49  ملین  مردم  آنی  سیادی  روبرکتی ایشیا  ءُ  بحرالکاہل ءَ  چہ  بیت۔  گوستگیں  بیست سال آنی ساھت  ءَ  زر باری ایشیا ءَ  750 ملین   مردم  موسمی مٹ ءُ بدلی  رند پد آں گوں گر ءُ چیل  بوھگ ءَ چہ  آماچ  بوتگ انت۔   2030  ءَ تاں موسمی  مٹ ءُ بدلی ءِسبب ءَ  نوک دیمروئی کنوکیں  ملک آنی تہءَ  100 ملین   مردم  گریبی ءِ  آماچ  بوت کن انت۔  ما  20 ھپتگ  ءَ  26  لکھ ءَ چہ گیش  مردم آناں  300 ملین ڈالر   ءِ   شفٹنگ ءِ وسیلگ ءَ  ایشی ءِ   اولی  ضلورت  پیلو کنگ ءِ  واستہ گامگیج  کتگ انت۔   پاکستان ءَاستیں سیلاپ ءَ چہ  10 ملین  شہری آناں  بے گس  کتگ  ایش وتی  ملک ءَ  موسمی  لڈ ءُ  بار ی مردم  آنی  تہءَ  مٹ  بوھگ ءَانت۔   اے یک  ٹوھیں ارزشتی ایں  کار ات،  ما  جزمیگیں مردم  آں بلے  ایوکءَ اے  کار   کت نہ کنت۔  اے کانفرنس  بنی آدم آنی  ھوالگءَ   یک ارزشتی ایں موہے ءَ بوھگ ءَ انت۔  مارا  موسمی مٹ ءُ بدلی  انصاف  ءِ جیڈھ  ات، مارا  لوٹ ائیت کہ  اے موہ ءَ  کارمرز   کنان ءَ دگنیا ءِ درستاں چہ مستریں یونائیٹڈ نیشن  ءِآیوکیں باندات  ءَ را   محفوظ  جوڑ   بکن  انت۔