رلیمنٹرینز فار گلوبل ایکشن ءِ نوک گچین بوتگیں صدر  ء ُ بیپاری ءِ  بنجاہی  وزیر  سید نوید قمر ء ِ بیونس آئرس، ارجنٹائن ء َ چیمبر آف کامرس ایشیا پیسیفک ءِ ترء ُ تاب 

اسلام آباد۔8نومبر  (اے پی پی):پارلیمنٹرینز فار گلوبل ایکشن  ءِ نوک  گچین  بوتگیں صدر بیپاری ءِ بنجاہی وزیر سید نوید قمر ءَ بیونس آئرس، ارجنٹائن ءَ چیمبر آف کامرس ایشیا پیسیفک تر ء ُتاب کتگ۔  میٹنگ ءِ تہا مارٹن لوکو، چیف ایگزیکٹیو آفیسر ء ُ  چیمبر ءَ انسٹیٹیوشنل ریلیشن آفیسر مسز لورا میانی  ہوار بوتگ اَنت۔  چیمبر ءِ نائب صدر ءَ ارجنٹائن ءُ ایشیا ءُ بحرالکاہل ءِ ملک آنی نیام ءَ   بیپاری ء ُ اقتصادی  سیادی ءَرا گیش کنگءِ ھاترءَ چیمبر ء ُ آئی ءِ کمک ءِ  یک  لُکیں عکس کشی  پیش کتگء ُ  ہندی بیپاری  ادارگ ء ُ ایشیا  پیسیفک ءِ  ملک آنی نیام ءَ بیپار ء ُ سیادی ءَرا  گیش کنگءِ مول ء ُ مراد  ءَ را درشان کتگ۔  اے موہ ءَ بیپاری ءِ  بنجاہی وزیر سید نوید قمر ءَ وتی جوانیں  وش اَتک کنگ ءِ سرءَ  شکرء ُ منت گپتگ ء ُ   چیمبر ءَ را حال داتگ کہ پاکستان ءَ بازیں پڑآں پلانٹ ء ُ مشنیری ءِ درآمد ءِ سرءَ ڈیوٹی ء ُ ٹیکس فری ءَہوار مالیاتی ء ُ انفراسٹرکچر دوئیں  وڑءَ  نپ دیئوکیں زرکاری ءِ ہوالگءَ  آسراتیاں ہوار زرکاریں دوستیں نظام جوڑ کتگ۔ آئی ءَ پاک چین اقتصادی راہداری ءِ ردءَ    استیں حاسیں اقتصادی زون ءِ تہا حکومت ءِ نیمگ ءَ چہ پیش کتگیں  اسراتیانی  حاس گپ کتگ۔ بنجاہی وزیر ءَ  کشتء ُ کشاری  پڑءَ کمک ء ُ    دھان ء ُ  غلہ آنی رکینگ ءِ ہوالگءَ  ارجنٹائن ءَ چہ سائلو بیگز ء ُ    اناج ءِ  رکینگء ِ ٹیکنالوجیءِ   بہاگرگ ءِ سوج ءَرا ساڑاتگ۔  سید نوید قمر ءَ چیمبر ءَ را 26 تاں 28 مئی 2023 ءَ  کراچی ءَ بوتگیں پاکستان ءِ پریمیئر ٹیکسٹائل ء ُ فیشن انڈسٹری ءِ نماش ’’ٹیکسپو2022 ‘‘ ءَ ہوار بوہگءِ دعوت داتگ۔