ماحولیاتی  مٹ  ءُ بدلی ءِ  نیگیٹیو رند  پد آں چہ   رکھگ ءِ واستہ  میاں  اوستمانی یکوئی ءُ  کمک ءِ ضلورت  انت،  مزن وزیر  شہباز شریف ءِ گول  میز کانفرنس  ءَ  یکوئی  ءِ درشان 

شرم الشیخ۔8نومبر  (اے پی پی): مزن وزیر  محمد شہباز شرییف  ءَ  "ماحولیاتی  بیم  آنی  ھلاپ ءَ  میاں  اوستمانی   دیمپانی”  ءِ گومگیج  آنی ارزشت  ءَ را  سہرا  کنان ءَ گوشتگ کہ  ماحولیاتی  مٹ  ءُ بدلی ءِ رند  پد آں چہ رکھگ ءِ واستہ  میاں اوستمانی یکوئی  ءُ کمک  ءِ ضلورت انت،   ماحولیاتی  بیم آں گوں گر ءُ چیل  بوھگ ءِ واستہ نوک دیمروئی  کنوکیں ملک  آنی تہ ءَ مالی آسراتی  آناں  رد  ءُ  بند  ءُ  ایکٹیو  کنگ ءِ واستہ بنیاتی   بن  ھشت  ءِ  رد ءَ   کار   کنگ لوٹ ائیت۔  آئی  ءَ ا ے  گپ  سئے شمبے  ءِ روچ  ءَ کوپ-27   ءِ سروک  دیوان   ءَ   "تاوان ءُ  نکسان آنی ھوالگ ءَ گامگیج  ءُ  کمک  آنی تہ ءَ گیشی۔  ماحولیاتی  بیم آنی  ھلاپ ءَ میاں  اوستمانی  دیمپان بوھگ” ءِ  ھوالگ ءَ  مزن تکی گول  میز   کانفرنس  ءَ  بھر زوری  ءِ    موہ ءَ  گوشت۔  گول میز  کانفرنس   ءِ  میزبانی  یکجائی  رنگ ءَ جرمن   چانسلر     اولاف  شولز  ءُ  گھانا ءِ  سدر  نانا  اکوفواڈو  ءَ  کت۔   دیوان ءَ جتا جتائیں   مملکت ءُ  حکومت  آنی سروک     آں  بھر زوری  کت۔  مزن وزیر   ءَ اے گپ ءِ سر  ءَ زور پر دات  کہ پاکستان  وڑیں ھمزوریں   نوک دیمروئی  کنوکیں ملک  پیسر ءَ چہ  ماحولیاتی  مٹ  ءُ  بدلی  ءِ   ھرابیں  رند  پد  آنی  چار ءُ تپاسی ءَ  کنگ ءَ انت   پدا  ھم پاکستان ءِ موحولیاتی   مٹ ءُ بدلی  ءَ  باز  کمو بھر انت۔  آئی ءَ شریکیں  مردم آناں  پاکستان ءِ سیلاپ   ءِ   آماچیں  دمگ آنی جاور   ھال ءُ سیلاپ ءَ چہ  آماچیں  دمگ آنی نوک  سر جوڑیشت   ءُ   برجائی ءِ واستہ  حکومت  ء،  نیمگ ءَ چہ کتگیں  گامگیج  آنی  ھوالگ ءَ  سرپد  کت۔   مزن وزیر محمد شہاز شریف   ءَ گوشت    "تاوان  ءُ  نکسنان”  ءِ جیڈھ  پاکستان ءِ ارزشتی  ایں   دیمروئی  کار  آنی  تہ ءَ  یک  ات۔   آئی  ءَ  کوپ -27  ءِ ایجنڈا  آئٹم  ءِ رنگ ءَ  ایشی ءِ  تہ ءَ  ھوار  بوھگ ءَ را  وش اتک  کت۔ آئی ءَ گوشت کہ اے اولی  رند  انت کہ سی او پی ءِ توان ءُ   نکسنان ءِ واستہ   فنڈنگ  انتظامی آناں  یک شلیں رنگ ءَ  گپ ءُ تران  کنگ ءِ   ھوالگ ءَ تپاک  کت ءُ  ایش پاکستان ءُ چین  ءِ گروپ-77  ءِ سروکی ءَ  نوک دیمروئی کنوکیں   ملک آنی    یک شلی ءَ   زور پر  کنگ ءِ وسلیگ  ءَ   در جنگ بوتگ۔   مزن وزیر  ” ماحولیاتی  بیم آنی ھلاپ ءَ  دیمپانی”   گامگیج  آنی ارزشت  ءَ را  سہرا    کنانءَ ماحولیاتی   مٹ ءُ بدلی ءِ رند  پد  آنی  گوما گر ءُ چیل  بوھگ ءِ واستہ    میاں  اوستمانی  یکوئی ءُ  کمک  ءِ   بابت ءَ زور  پر دات۔  آئی ءَ گوشت کہ  لوٹ  کتگیں فنانسنگ  آسراتی  ءَ را  نوک  دیمروئی  کنوکیں ملک آنی  تاوان  ءَ  گوں گر ءُ چیل  بوھگ ءِ واستہ آسراتی آناں  مھکم   ءُ برجا  کنگ ءِ واستہ بنیاتی   بن  ھشت  ءِ رد ءَ کار  کنگ لوٹ ائیت۔  مزن وزیر  ءَ گوشت کہ کوپ-27  ءَ اے  رد ءَ   پراھ ءُ شاھیگانیں ءُ پکوئیں  پیسلہ  زورگ    موہ پجاری  کتگ۔