شرم الشیخ۔ 08 نومبر (اے پی پی) وزیراعظم محمد شہباز شریف جرمنی تون واپار، زرکاری، چاگڑدی بدلی، و قابل تجدید توانائی تون اوار چندی بشخ آتیٹی تین پہ تینی تعلقداری تے پین سوگو کننگ نا است خواہی نا درشانی ءِ کرسا پارینے کہ پاکستان و جرمنی ءِ چندی بشخ آتیٹی ورناتے وارخواہی تننگ کن گیشتر بایدے کمک کننگے۔ اوداہیت ءِ جرمنی نا چانسلر اولاف شولز تون چاگڑدی سروک دیوان کوپ۔ …
وزیراعظم شہباز شریف نا جرمن چانسلر تون اوڑدہی ٹی گپ وتران
شرم الشیخ۔ 08 نومبر (اے پی پی) وزیراعظم محمد شہباز شریف جرمنی تون واپار، زرکاری، چاگڑدی بدلی، و قابل تجدید توانائی تون اوار چندی بشخ آتیٹی تین پہ تینی تعلقداری تے پین سوگو کننگ نا است خواہی نا درشانی ءِ کرسا پارینے کہ پاکستان و جرمنی ءِ چندی بشخ آتیٹی ورناتے وارخواہی تننگ کن گیشتر بایدے کمک کننگے۔ اوداہیت ءِ جرمنی نا چانسلر اولاف شولز تون چاگڑدی سروک دیوان کوپ۔ 27 نا وخت آ اوڑدہی ٹی گپ وتران کرسا پارے۔ ہڑتوم آ راہشونک تین پہ تینی تعلقداری تا جاچ ءِ ہلکر و کمکار ی ءِ ودفنگ نا گمان تیا سجفیر۔ اوڑدہی ٹی تین پہ تینی است خواہی نا علاقائی وجہانی امور آ ہم گپ وتران مس۔ وزیراعظم جرمن الس نا عزم انا ستاءِ کرسا جرمنی تون واپار، زرکاری، چاگڑدی بدلی و قابل تجدید توانائی تون اوار تین پہ تینی تعلقداری تے پین سوگو کننگ نا است خواہی نا درشانی ءِ کرے۔ وزیراعظم پاکستان نا ورناآبادی آن فائدہ ہرفنگ نا گرج آ زور شاغسا پارے کہ پاکستان و جرمنی ءِ چندی بشخ آتیٹی ورناتے وارخواہی تننگ کن گیشتر کمک کننگے۔ وزیراعظم جرمنی نا کنڈآن پاکستان ءِ سال آتیان تروک آ تکنیکی تربیت آ منت واری ءِ ہرفسا علم انا ہل و تس نا گرج آ زور شاغا۔ اویورپی یونین اٹی جی ایس پلس حیثیت کن مخ تفی آ جرمنی نا منت واری ءِ ہرفے ہرا ہڑتوم آ ملک آتیکن فائدہ ئی ءِ۔ وزیراعظم پارے کہ حدت نا سوب جوڑ مروک گیس آتا پیش تمنگ اٹ کم آن کم کڑد مننگ آن پد ہم پاکستان چاگڑدی بدلی ٹی بروک آ قدرتی آفت آتیان سخت زہمی مننگءِ۔ اوپاکستان اٹی چاگڑدی بدلی آن بروک آ ساڑی آ بھسکار نوکاپ آن پد جرمنی نا کنڈآن پاکستان نا امداد آ جرمنی نا منت واری ءِ ہرفسا جرمن چانسلر ءِ حکومت نا بحالی و تعمیر نو نا ڈٹ آتا بارواٹی حوال تس۔ وزیراعظم داہیت آ زور شاغا کہ چاگڑدی بدلی نا ویل خاص وڑاٹ کلائیمیٹ جسٹس و دا بدلی تا نتیجہ ٹی نسخان و بھسکاری تون مون تننگ کن کوپ ۔ 27 بایدے دلیرانہ فیصلہ کے۔ وزیراعظم ڈیہہ نا حالیت آتا ذکر ءِ کرسا پارے کہ پاکستان جرمنی تون اوار درملکی حکومت آتا درخواست آ اوغانستان آن پیش تمنگ کن آسراتی فراوان کرسا کرینے۔ وزیراعظم پارے کہ اوغانستان اٹی انسانی و اقتصادی حالیت آتا رداٹ جہانی برادری نا اوغان عبوری حکومت تون پدریسہ گپ وتران بھاز اہمیت تخک۔ جرمن چانسلر اوغانستان اٹی نمائندہ حکومت و انسانی حق انا شرف نا تینا موقف نا درشانی ءِ کرے۔ وزیراعظم جرمن چانسلر نا چکار ءِ بھارت نا غیرکانودی کوزہ ٹی جموں وکشمیر نا کنڈا کرفسا پارے کہ دانا نتیجہ ٹی علاقائی امن و سوگوی ءِ خطرہ مون تروک ءِ۔
