مزن  وزیر   محمد  شہباز شریف ءِ   یونائیٹڈ  نیشن  ءِ سیکرٹری  جنرل انتونیو گوٹریس  ءَ  گوں  شرم الشیخ  ءَ  گند ءُ نند

شرم الشیخ۔7نومبر  (اے پی پی): مزن وزیر    شہباز شریف ءَ  یونائیٹڈ  نیشن  ءِ سیکرٹری  جنرل انتو نیو گوٹریس  ءَ مصر ءِ شہر  شرم  الشیخ ءَ برجم بوھوکیں     COP27 سروک  دیون  ءِ موہ ءَ  گند ءُ نند  کت۔  مزن وزیر  کارگس ءِ میڈیا  ونگ  ءِ نیمگ ءَ چہ  جاڑی  بوتگیں دو شمبے ءِ روچ ءَ  بیان ءَ  مزن وزیر ءَ ملک ءَ   ٹوھیں سیلاپ   ءِ رد ءَ   یونائیٹڈ  نیشن  ءِ سیکرٹری  جنرل  ءِ  نیمگ ءَ چہ   یکوئی ءِ درشان ءُ    پاکستنا ءِ واستہ  ٹوھیں  کساس ءَ کمک  کنگ ءِ  دزبندی     ءِ توسیپ  کنان ءَ  اے گپ ءِ درشان کت کہ پاکستان ءَ  ٹوھیں  سیلاپ ءَ  گوں  مزنیں  کساس ءَ   بوھوکیں  تباہی  موسمی مٹ ءُ بدلی آنی سبب ءَ  استیں جیڈھ   آنی  سہرائیں درشان  ات۔  مزن وزیر ءَ موسمی  مٹ ءُ بدلی  انصاف ءُ ماحولیاتی  یکوئی ءِ واستہ سیکرٹری  جنرل  ءِ  لوٹ      ءَ  ھم من ات۔  مزن وزیر ءَ گوشت کہ پوسٹ  ڈیزاسٹر نیڈز  اسسمنٹ  ءِ  رد ءَ سیلاپ ءَ چہ بوھوکیں تاوان  آنی کچ ءُ ساس   32  ارب  ڈالر  ءَ چہ گیش انت  ایش پاکستان ءِ ھواریں  راجی پیداوار  جی ڈی پی  ءِکساس   10  درسد  جوڑ  بیت۔ پاکستان ءَ را  برجائی ءُ جوڑیشت  ءِ  بازیں  ٹوھیں کار ءِ واستہ  مھکمیں دیمروئی  ءِ ماڈل  ءِ بنایت ءَ  سر سبز  جوڑ کنگ ءِ واستہ  جوانیں  میاں  اوستمانی  کمک آنی ضلورت  بیت۔  مزن وزیر محمد شہباز شریف  ءَ پاکستان ءِ گوما  یکوئی ءِ درشان  ءِ واستہ  گوستگیں ماہ  یونائیٹڈ  نیشن ءِ جنرل اسمبلی ءِ  منوگری آنی منظوری  ءِ ھوالگ ءَ دیان ءَ  گوشت کہ پاکستان توامیں دیمروئی  شریکدار  آناں یکجا  کنگ ءِ واستہ  یک  میاں اوستمانی  ڈونرز کانفرنس،   گوانک جنگ ءِ  وداریگ انت۔  مزن وزیر ءَ یونائیٹڈ  نیشن ءِ نیمگ ءَ  پاکستان ءَ را ستیں کانفرنس  ءَ یک  ٹوھیں برجائی   ءُ جوڑیشت  ءِ منصوبگ   تیار کنگ ءَ کمک  دیگ ءِ واستہ انٹر ایجنسی  ٹیمب  ءِ جوڑیشت ءَ را ھم ساڑات  ایشیءِ سروکی ڈپٹی سیکرٹری جنرل  کنت انت۔  مزن وزیر  ءَ گوشت کہ موسمی  زانتی کانفرنس   میاں اوستمانی برات آنی  واستہ یک   وھد ءُ موہ ءِ سر ءَ  موہ    ات  کہ ایش ماحولیاتی   مٹ ءُ بدلی  ءِ رند  پد آناں کم کنگ  ءُ  ماحولیاتی  انصاف  ءَ را دیمروئی دیگ ءِ و استہ    ھمکچی ءُ  یکجائی   رھبند  آنی رد ءَ گامگیج  کنت۔  مزن وزیر  ءَ اے گپ  ءِ سر ءَ زور پر دات کہ    COP27  ءِ  دیوان ءَ پاکستنا ءَ  سیلاپ  ءَ چہ تاوان  ءُ تباہی  ءَ  گوں گر  ءُ چیل  بوھگ  ارزشتی ایں    "ڈیلیوریبل” بیت۔ پاکستان  ءِ  گروپ  G77  ءُ چین ءِسروک  بوھوگ ءِ بستا ر ءَ    COP27  ءَ  تپاکی ءَ گوں    ”لاس اینڈ ڈمیج فنانس“  ءِ  یک ایجنڈا آئٹم ءَ را  ھوار کنگ ءِ شور ءُ مشور ءَ  گوں  تپاک  کتگ۔  مزن وزیر محمد شہباز شریف ءُ سیکرٹری  جنرل ءِ نیام ءَ دو نیمگی  گند ءُ نند ءَ چہ  پد   "پاکستان پویلین”  ءَ  یکجائی پریس  کانفرنس  ھم  بوت۔