اسلام آباد۔7نومبر (اے پی پی): مزن وزیر محمد شہباز شریف ءَ برجائی ءُ نوک سر جوڑیشت ءِ منصوبگ ءِ تیاری ءِ واستہ یونائیٹڈ نیشن ءِ ٹیمب جوڑ کنگ ءَ را وش اتک کنان ءَ گوشت کہ سیکرٹری جنرل یونائیٹڈ نیشن انتو نیو گوتریس ءِ جوانیں سروکی موسمی مٹ ءُ بدلی رند پد آں گوں گر ءُ چیل بوھگ ءِ واستہ کلیتی بستار ءِ دار ائیت۔ دو شمبے ءَ وتی ٹویٹ ءَ آئی ءَ گوشت کہ وتی دوست سیکرٹری جنرل یونائیٹڈ نیشن انتو نیو گوتریس ءَ گوں ملگ ءَ چہ دل وشی بیت۔ مرچی ما برجائیءِکار ءَ چار ءُ تپاسی گپت۔ آئی ءَ یک ٹوھیں نوک سر جوڑیشت ءِ منصوبگ ءِ تیار کنگ ءِ واستہ یونائیٹڈ نیشن ءِ ادارگی تک ءَ ٹیمب جوڑ کنگ ءِ پد ءَ آئی ءِ شگر ءُ منت واری گپت۔ آئی ءَ گوشت کہ آئی ءِ یکوئی ءُ سروکی موسمی مٹ ءُ بدلی ءَ گوں گر ءُ چیل بوھگ ءِ واستہ کلیتی کرد ءِ دار ائیت۔
