شرم الشیخ۔7نومبر (اے پی پی): مزن وزیر محمد شہباز شریف ءَ گشتگ کہ پاکستان آئی ایم ایف ءِ کمک ءَ را باز ارزشت دنت، آئی ایم ایف پروگرام ءَ را سرجم کنگ بیت۔ اے ھیالانی درشانی آئی ءَ آئی ایم ایفءِ مینجنگ ڈائریکٹر کرسٹالینا جورجیوا ءَ گوں گپ ءُ تران کنان ءَ کتگ۔ مزن وزیر ءِ آئی ءِ گوما گندء ُنند دوشمبے ءِ روچءَ موسمیاتی مٹءِ اثرآناں گرءُ دار کنگءِ ھاترءَ کاپ 27 سروکی دیوان ءِ موہ ءَ بوتگ۔ مزن وزیر ءَ گشتگ کہ آئی ایم ایف پروگرام ءَ را سرجم کناں، آئی ایم ایف ءِ کمک ءَ را باز ارزشت دیاں۔ آئی ءَ گشتگ کہ ہار ء ِ آماچیں مردمانی کمک ء ُ بحالی ءِ ھاترءَ بجٹ ءِ حرچانی تہا مٹء ُ بدلی آرگ بوتگ، کورونا ء ُ میاں اوستمانی بیپار ی ءَپد ہارءِ جاورھال ءَ پاکستانی ءِ معاشی بحالی ءِ سرءَ ناوشیں اثر کپتگ اَنت، اُلس ءِ جان رکینگ ء ُ ہارءِ آماچیں مردمانی آبات کنگ اولی دلگوشی اِنت۔ آئی ءَ اے اُمیت ءِ درشانی کتگ کہ کاپ 27 کانفرنس موسمیاتی انصاف دیئگ ءَ بُن اِشت بیت۔
