مزن وزیر  شہباز شریف  ءَ گوں  یورپی  یونین  ءِ  صدر  چارلس  مائیکل ءِ گند  ءُ نند،  مزن وزیر  ءَ سیلاپ   ءِ آماچیں  مردم آنی  کمک ءِ واستہ  یورپی  یونین  ءِ   احساس  ءُ  کمک  آناں  ساڑات

شرم الشیخ۔7نومبر  (اے پی پی): مزن وزیر  شہباز شریف  ءُ یورپی  یونین  ءِ صر  چارلس  مائیکل  ءَ گوں  گند ءُ نند کت۔  چارلس  مائیکل ءَ  پاکستان ءَ سیلاپ  ءَ چہ بوھوکیں  تاوان   ءُ  گران  بھائیں   جانی  تاوان   بار ءِ  پد ءَ اپسوزی ءِ درشان  کتگ۔  مزن وزیر   میڈیا  کارگس  ءِ میڈیا   ونگ ءِ   نیمگ  ءَ چہ  دو   شمبے ءَ جاڑی  بوتگیں  بیان ءِ رد ءَ  مزن وزیر  ءَ سیلاپ  ءِ آماچیں   مردم آنی کمک ءِ  وستہ   یورپی یونین  ءِ احساس  ءُ کمک  آناں ساڑات۔ دوئیں سروک لآں  اے گپ ءِ سر ءَ تپاک  کت کہ  موسمی  مٹ  ءُ بدلی   ءِ   ھرابیں جاور توامیں ملک  آنی  یکوئی  واھند انت۔   مزن وزیر  ءَ گوشت کہ ناشرکاری ءِ ھلاپ  ءَ جنگ  ءِ وڑیں  موسمی  مٹ  ءُ بدلی لءِ ھلاپ ءَ  میاں  اوستمانی  یکوئی  پکار  انت،  فیٹف  ءِ گرے لسٹ  ءَ چہ  پاکستان   ءَ  در کپگ  ءَ یورپی  یونین  ءِ کمک آناں  ساڑائیت انت۔  پاکستان ءُ یورپی   یونین  ءَ   یکجائی  کمک  آنی  دیمروئی ءِ  واھشت مند  انت، یورپی یونین  ءُ پاکستان  ءِشرکداری  ءُ دو نیمگی  کمک   گوستگیں  وھد ءَ یکجائی سیت آنی در  جنگ ءَ ارزشتیں   وسیلگ ءِ  بوتگ۔  مزن وزیر ءَ گوشت کہ   گوست ءِ  دل یکیمی  ءُ  کمک آناں  گیش  شاھیگانی  دیگ ءِ  واھشت  مند  ءُ     وداریگ  آں، موسمی  مٹ ءُ بدلی ءِ  رند  پد  آنی  گوما مقابلہ  کنگ ءِ واستہ  یورپی  یونین  ءِ کوشست   لائک ءِ  ستا انت۔  دوئیں  سروک آں   وت مہ وتی  واھگی کار آنی   ھوالگ ءَ  نزیکیں رابطہ   ءِ تہءَ  بوھگ  ءِ سر ءَ تپاک  کت۔