شرم الشیخ ۔7نومبر (اے پی پی): مزن وزیر محمد شہباز شریف ءَ گوں کوپ 27 سروکی کانفرنس ءِ موہ ءَ عراق ءُ تاجکستان ءِ صدر، انڈونیشیا ءِ نائب صدر ءُ لبنان ءِ مزن وزیر ءَ گند ءُ نند کت۔ دو شمبے ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مصر ءَ موسمی مٹ ءُ بدلی ءِ میاں اوستمانی کانفرنس ءِ موہ ءَ پاکستان ءَ سیلاپ ءُ آماچیں مردم آنی کمک ءِ واستہ کوشست آنی پد ءَ مزن وزیر پاکستان شہباز شریف درستاں چم ءُ نظر ءَ اتک۔ میاں اوستمانی سروک آں مزن وزیر ءِ سیلاپ ءَ چہ آماچیں دمگ آنی یک شل ءَ موجودگی ءَ را لس جوزگ نامینت۔ کانفرنس ءِ اولی روچ ءَ مزن وزیر شہباز شریف ءَ دزگٹی ءَ گوں گوست۔ آئیءَ کوپ 27 سروک کانفرنس ءِ موہ ءَ شرم الشیخ انٹرنیشنل کانگریس سینٹر ءَ ارزشتی ایں سروک آں گوں گند ءُنند کت۔ مزن وزیر ءَ عراق ءِ صدر عبدالطیف راشد،تاجکستان ءِ صدر امام علی رحمن، انڈونیشیا ءِ نائب صدر معروف امین ءَ جتا جتائیں گند ءُ نند کت۔ مزن وزیر شہباز شریف ءَ گوں لبنان ءِ مزن وزیر نجیب میکاتی ءَ ھم گند ءُ نند کت۔ مزن وزیر شہباز شریف ءَ ا نڈونیشیاس ءِ نائب صدر ءَ گوں تران کنان ءَ گوشت کہ ورگ آنی تہءَ مان کنگی ٹیل ءِ دیگ ءِ پدءَ تئی لکھ منت واری ءَ گراں۔ انڈونیشیا ءِ نائب صدر ءَ گوشت کہ پاکستان مئے برات انت، ھمک رنگیں کمک آنی پد ءَ گل ءُ شات باں، مزن وزیر شہباز شریف ءَ انڈونیشیا ءِ حکومت ءُ الس ءِ واستہ نیکیں واھگ آنی کلوہ دات۔ مزن وزیر ءَ تاجکستان ءِ صدر امام علی رحمن ءَ گوں گند ءُ نند کت۔ اے موہ ءِ سر ءَ مزن وزیر ءَ گوشتکہ تاجکستان ءِ صدر گوزوکیں سال دسمبر ءَ پاکستان ءَ کئیت۔ دوئیں سروک آں موسمی مٹ ءُ بدلی ءِ ھرابیں رند پد آنی ھوالگ ءَ ھیال ریچی کت۔ در ملکی سروک آں پاکستان ءَ سیلاپ ءَ چہ بوھوکیں ڈکال ءُ جانی تاوان بار آنی پدءَ اپسوزی ءِ درشان کتگ۔ مزن وزیر شہباز شریف ءَ گوشت کہ موسمی مٹ ءُ بدلی رند پد آنی گوما گر ءُ چیل بوھگ ءِ واستہ سرجمیں دگنیا آماچ بوھگ ءَ انت ، ایشانی نیگیٹیو رند پد آناں کم کنگ ءِ واستہ یکجائی کوشست المی ل انت۔ مزن وزیر ءَ سیلاپ ءِ آماچیں مردم آنی کمک ءِ رد ءَ میاں اوستمانی برات آنی شگر ءُ منت واری گپت۔ گند ءُ نند ءَ میاں اوستمانی سروک آں دو نیمگی، دمگی ءُ میاں اوستمانی کار آنی ھوالگءَ ھیال ریچی کت۔
