شرم الشیخ۔ 07 نومبر (اے پی پی) وزیراعظم محمد شہباز شریف پاکستان نا ایف اے ٹی ایف نا گرے لسٹ آن پن انا پیش تمنگ اٹی یورپی یونین نا کمکاری نا ستاءِ کرسا پارینے کہ پاکستان ویورپی یونین نا نیام اٹ ہڑتوم آ کنڈآتا واپار ءِ ودفنگ نا بھلو گنجائشت اس ساڑی ءِ، چاگڑدی بدلی تااثرآتا مقابلہءِ کننگ کن جہانی سیوت المی ءِ۔ دوشنبےناد ے آ وزیراعظم آفس نا میڈیا ونگ آن جاری بیان نا رداٹ وزیراعظم نا کلائیمیٹ امپلی منٹیشن سمٹ نا وخت آ وزیراعظم محمد شہباز شریف تون یورپی یونین کمشنر ارسلاوون ڈیرلین اوڑدہی کرے۔ وزیراعظم یورپی یونین ملک آتا پاکستان اٹی نوکاپ زہمی تا امداد نا جوزہ نا ستا ءِ کرے۔ وزیراعظم پارے کہ پاکستان و یورپی یونین اسیجائی مسخت آتا دوئی کننگ اٹی اہم شریدار ءُ، موسمیاتی بدلی تا اثرآتا مقابلہ ءِ کننگ کن جہانی سیوت المی ءِ، پدتموک ملک آک اینو ہرااثرآتا مقابلہ ءِ کننگ ءُ، پگہ مچ آ دنیا ءِ داتا بھرم ءِ کنوئی تمک۔ وزیراعظم فیٹف نا گرے لسٹ آن پاکستان نا پن انا پیش تمنگ اٹ یورپی ملک آتا کمکاری نا ستاءِ کرسا پارے کہ یورپی یونین و پاکستان اٹی ہڑتوم آ کنڈآتا واپار ءِ ودفنگ نا بھلو گنجائشت اس ساڑی ءِ۔ یورپی یونین نا کمشنر چاگڑدی بدلی تتون مون تننگ کن متحدہ کوشست آتیا امنا کرے۔
