شرم الشیخ ۔7نومبر (اے پی پی): مزن وزیر محمد شہباز شریف ’’شرم الشیخ کلائمیٹ امپلی منٹیشن سمٹ‘‘ ءِ بنگیجی مراگش ءَ بھر زوری ءِ واستہ پج اتگ۔ مزن وزیر کارگس ءِ میڈیا ونگ ءِ جاڑی بوتگیں بیان ءِ رد ءَ مزن وزیر شہبا زشریف مرچی (دو شمبے ءَ ) شرم الشیخ انٹر نیشنل کنونشن سنٹر ءَ برجم بوھوکیں شرم الشیخ کلائمیٹ امپلی منٹیشن سمٹ ءَ بھر زوری ءِ واستہ پج اتگ گڈاس مصر ءِ صدر عبدالفتاح السیسی ءُ یونائیٹڈ نیشن ءِ سیکرٹری جنرل انتو نیو گوتیرس ءَ آئی ءَ را وش اتک کت۔ مزن وزیر محمد شہبا ز شریف شرم الشیخ مصر ءَ مرچی وتی دزگٹی گوازینتگ انت، ادا آ سمٹ ءِ بنگیجی مراگش ءَ بھر زوری ءِ واستہ مرچی یونائیٹڈ نیشن ءِ جنرل اسمبلی ءِ سیکرٹری جنرل انتونیو گوتیرس ءَ ھم گند ءُ نند کنت ایشی ءَ چہ پد دوئیں سروک یکجائی پریس ٹیک آوٹ دنت۔ مزن وزیر یک ارزشتی ایں راؤنڈ ٹیبل ایشی ءِ بن گپ ’’ارلی وارننگ فار آل ایگزیکٹو پلانز لانچ‘‘ انت، ایشی ءِ تہ ءَ بھر زوری کنت انت۔ مزن وزیر سعودی عرب ءِ میزبانی ءَ کنت ’’مڈل ایسٹ گرین انیشی ایٹو سمٹ‘‘ ءَ بھر زوری کنت۔ مزن وزیر ءَ مصر ءِ صر ءُ کویت ءِ امیر ءَ گوں گند ءُ نند ھم اوست کنگ بوھگ ءَ انت۔
