اسلام آباد۔6نومبر (اے پی پی): مزن وزیر شہباز شریف “شرم الشیخ کلائمیٹ امپلی منٹیشن سمٹ”(کوپ ۔27) ءَ بھر زوری ءِ واستہ مصر ءَ روادگ بوتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر شہباز شریف مصر ءِ واستہ روادگ بوتگ۔ آھواداس آ کانفرنس ءَ 197 باسکیں ملک بھر زوری کنت، پاکستان کوپ-27 ءَ ٹوھیں ارزشت دنت، کانفرنس ءَ موسمی مٹ ءُ بدلی ءِ گوما موسمی مٹ ءُ بدلی انصاف ءِ جیڈھ آنی ھوالگ ءَ زوتیں کاروائی ءِ ضلورت ءِ سر ءَ چار ءُ تپاسی کنگ بیت۔ یک شمبے ءِ روچ ءَ وتی بیان ءَ مریم اورنگزیب ءَ گوشتگ کہ مزن وزیر ورلڈ لیڈرز سمٹ ءِ ساھت ءَ ملکت آنی سروک دیوان ءَ گشتانک ءَ ارزشتی ایں جیڈھ آنی بابت ءَ پاکستان ءِ بن گپ ءَ را پیش کنت۔ آئی ءَ گوشت کہ مزن وزیر شرم الشیخ ءَ کانفرنس ءِ موہ ءَ یونائیٹڈ ءِ سیکرٹری جنرل انتونیو گوئترس ءَ گوں گند ءُ نند کت۔ تر ءُ تاب ءِ ساھت ءَ مزن وزیر شہباز شریف وتی ناروے ءِ ھمکار ءِ ھمبراہی ءَ مزن تکی تول میز کانفرنس ءَ ھم بھر زوری کنت۔ مریم اورنگزیب ءَ گوشت کہ مزن وزیر 7 نومبر ءَ “مڈل ایسٹ گرین انیشیٹو سمٹ” ءَ بھر زوری کنت انت، کانفرنس ءِ میزبانی سعودی عرب ءِ ولی عہد ءُ مزن وزیر محمد بن سلمان کنگ ءَ انت۔ بنجاھی وزیر اھوالکاری ءُ شنگ کاری ءَ گوشت کہ مزن وزیر شہباز شریف وتی تر ءُ تاب ءِ ساھت ءَ میاں اوستمانی سروک آں گوں گند ءُ نند کنت۔ کوپ-27 یک انچیں موہے ءَ برجم بوھگ ءَ انت وھد ءِ پاکستان ءَ ھوار سرجمیں دگنیا ءِ جتا جتائیں بھر آنی تہ ءَ لکھانی مردم موسمی مٹ ءُ بدلی ءِ ھوالگ ءَ باست ءُ واست، سول ءُ تران ءُ یکجائی کاروائی ءِ پازیٹیو کرد ءَ پیلو کنت انت۔ مزن وزیر محمد شہباز شریف ءِ ھمبراھی ءَ ڈل کوپ- 27 ءِ توامیں ارزشتی ایں کمیٹی آنی تہ ءَ کاربن ءِ یلو کنوکیں ملک آنی استیں جیڈھ ءُ ھوپ آنی ھوالگ ءَ گپ ءُ تران کن انت، مریم اورنگزیب ءَ گوشت کہ پاکستان اے کانفرنس ءَ گروپ آف-77 چائنہ ءِ سروکی ءَ ھم کنت۔ ایش موسمیاتی مٹ ءُ بدلی ءِ جیڈھ آنی گر ءُ دار ءِ واستہ یکجائی کوشست آنی سر ءَ چار ءُ تپاسی گرگ ءُ دیم ءَ جنزگ ءِ واستہ ھمک سالی بنیات ءَ دیوان برجم دار ائیت۔ یک ارزشتی ایں سٹیک ہولڈر ءِ رنگ ءَ ، پاکستان میاں اوستمانی موسمی مٹ ءُ بدلی ءِ ھوالگ ءَ باست ءُ واست، سول ءُ تران یکجائی کاروائی آنی تہ ءَ پازیٹیو کرد پیلو کنت۔
