اسلام آباد۔6نومبر (اے پی پی): مزن وزیر محمد شہباز شریف ءَ گوشت کہ کوپ-27 کانفرنس موسمی مٹ ءُ بدلی ءُ میاں اوستمانی جیڈھ آنی ھلاپ ءَ سیت مند سہرا بیت، موسمی مٹ ءُ بدلی رند پد آناں ڈلگچار کنگ یک مزنیں جان بڈی ءِ بیت۔ یک شمبے ءِ روچ ءَ وتی ٹویٹ ءَ مزن وزیر ءَ گوشت کہ کوپ-27 کانفرنس ءَ مصر ءَ برجائی ماحولیاتی مت ءُ بدلی ءُ میاں اوستمانی جیڈھ آنی ھلاپ ءَ بنی آدم دوستی ءِ جنگ ءَ یک جوانیں بن ھشت ءِ سہرا بیت۔ اے وھد ءَ پاکستان ءُ افریقہ ءَ سک باز موسمی واکیہ آنی رد ءَ ماحولیاتی مٹ ءُ بدلی ءِ جیڈھ آناں سہرا کنت۔ اے ٹوھیں جیڈھ ءِ ھوالگ ءَ وت ءَ را بے دلگوش کنگ نہ وشیں گپ ات۔ آئی ءَ گوشت کہ جی 77 ءِ سروکی ءَ کنان ءَ دگنیا ءِ سر ءَ زور پر دینت کہ آ کلائمیٹ فنانسنگ ءُ تاوان آنی پیلو کنگ ءِ واستہ فنڈ ءِ رد ءَ وتی سوگند ءَ پیلو بکنت۔ آئی ءَ گوشت کہ مالی کمک ءَ ابید نوک دیمروئی کنوکیں ملک موسمی مٹ ءُ بدلی ءِ جتا جتائیں ھوپ آں گوں دیم پہ دیم بنت۔ آئی ءَ گوشت کہ دگنیا پاکستان ءِ کیس سٹڈی ءَ را بہ پھم ائیت۔
