اسلام آباد۔6نومبر (اے پی پی): مزن وزیر محمد شہباز شریف 7-8 نومبر 2022 ءَ ”شرم الشیخ کلائمیٹ امپلی منٹیشن سمٹ” ءَ بھر زوری ءِ وساتہ مصر ءِ شہر شرم الشیخ ءِ تر ءُ تاب ءَ کنت، مزن وزیر ءِ ھمبراھ وزیر ءِ درئی کار بلاول بھٹو زرداری ءُ کا بینہ ءِ ایندگر باسک ءُ مزن تکی کارندہ ھم ھمبراہ بنت۔ مزن وزیر کارگس ءِ پریس ونگ ءِ نیمگ ءَ جاڑی بوتگیں بیان ءِ د ءَ اے سروک دیوان یونائیٹڈ نیشن ءِ موسمی مٹ ءُ بدلی 27 بیست ءُ ھپتمی کانفرنس (COP-27) ءِ بھر ءِ رنگ ءَ برجم بوھگ ءَ انت۔ کوپ ۔ 27 ءِ مصری سروک ءِ دعوت ءِ پد ءَ مزن وزیر 8 نومبر 2022 ءَ وتی نارویجن ھمکار ءِ گوما ”کلائمیٹ چینج اینڈ سسٹین ابیبلٹی آف ولنرایبل کمیونٹیز” ءِ ھوالگ ءَ یک مزن تکی گول میز باست ءُ واست دیوانے ءِ سروکی ءَ ھم کنت۔ مزن وزیر مزن تکی گشتانک آں ھوار سیکرٹری جنرل ایگزیکٹیو ایکشن پلان ءِ بنداتی وارننگ سسٹز ءِ بنگیج ءِ واستہ گول میز دیوان ءَ بطور سپیکر بھر زوری کنت۔ وھدیکہ 7 نومبر ءَ “مڈل ایسٹ گرین انیشیٹو سمٹ”؛ ایشی ءِ میزبانی سعودی عرب ءِ ولی عہدر ءُ مزن وزیر محمد بن سلمان کنگ ءَ انت ایشی ءِ اندر ءَ بھر زوری کنت۔ مزن وزیر سمٹ ءِ سائیڈ لائنز آنی بازیں میاں اوستمانی سروک آنی گوما گند ءُ نند ھم کنت۔ کوپ-27 یک انچیں وھدے ءَ برجم بوھگ انت وھدیکہ کہ لکھانی پاکستانی شہری ءُ دگنیا ءِ ایندگر بھر آنی تہ ءَ استیں کروڑانی مردم ماحولیاتی مٹ ءُ بدلی ءِ ھرابیں رند پد آنی گوما گر ءُ چیل انت ۔ اے نیمگ ءَ باز آماچ بوھوکیں نوک دیمروئی کنوکیں ملک آنی لڑ ءَ انت، پاکستان ماحولیاتی یکوئی ءُ موسمیاتی انصاف ءَ را زوت ضلورت ءِ واستہ یک مھکمیں کال ءِ گوانک جنت۔ ایش کوئی ءُ یکجائی بلے جتا جتائیں زمہ واری ءُ سیادی دارکیں ازم آنی جوڑی کتگیں کار رھبند آنی رد ءَ انت۔ 77 گروپ ءِ استیں چیئر ءِ بستا ر ءَ انت، ایش یونائیٹڈ نیشن ءِ نظام ءَ نوک دیمروئی کنوکیں ملک آنی درستاں چہ ٹوھیں سول ءُ ترانی بلاک ات۔ پاکستان موسمی مٹ ءُ بدلی سول ءُ تران ءَ ھوار بن گپی شوبگ وڑیں موسمی مال ءُ مڈی، موہ، گر ءُ دار، ءُ ازمکاری ءِ جوڑیشت ءَ گروپ آنی سروکی ءَ ھم کنت۔ کوپ- 27 یونائیٹڈ نیشن ءِ فریم ورک کنونشن آن کلائیمیٹ چینج کانفرنس (یو این ایف سی سی سی) ءِ چیر دستی ءَ پیسلہ سازی ءِ درستاں چہ مستریں ادارگ ات۔ ایش ماحولیاتی مٹ ءُ بدلی ءِ گوما گر ءُ چیل بوھگ ءِ واستہ یکجائی کوشست آنی سر ءَ چار ءُ تپاسی گرگ ءُ دیم ءَ جنزگ ءِ وستہ ھمک سالی بنیات ءَ دیوان برجم دار ائیت۔ یک ارزشتیں سٹیک ہولڈر ءِ رد ءَ انت، پاکستان میاں اوستمانی ماحولیاتی مٹ ءُ بدلی ءِ بابت ءَ باست ءُ واست، سول ءُ تران ءُ یکجائی کاروائی ءِ پازیٹیو کرد ءَ پیلو کنت انت۔
