اسلام آباد۔6نومبر (اے پی پی): مزن وزیر محمد شہباز شریف 7-8 نومبر 2022 ءَ “شرم الشیخ کلائمیٹ امپلی منٹیشن سمٹ” ءَ بھر زوری ءِ واستہ مصر ءَ روت ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءِ ھمبراھی ءَ کابینہ ءِ باسک ءُ مزن تکی کارندہ ھم ھمبراہ بنت۔ اے سروکی دیوان یونائیٹڈ نیشن ءِ موسمی مٹ ءُ بدلی 27 بیست ءُ ھپتمی کانفرنس (کوپ-27) ءِ یک بھرے ءِ رنگ ءَ بوھگ ءَ انت۔ مزن وزیر 8 نومبر 2022 ءَ وتی نارویجن ھمکار ءِ گوما “کلائمیٹ چینج اینڈ سسٹین ابیبلٹی آف ولنرایبل کمیونٹیز” ءِ سر ءَ یک مزن تکی گول میز باست ءُ واستی دیوان ءِ سروکی ءَ ھم کنت۔ مزن وزیر مزن تکی گشتانک ءَ ھوار یونائیٹڈ نیشن ءِ سیکرٹری جنرل ایگزیکٹیو ایکشن پلان ءِ بنداتی وارننگ سسٹمز ءِ بنگیج ءِ واستہ گول میز ءَ سپیکر ءِ بستار ءَ بھر زوری کنت ءُ 7 نومبر ءَ “مڈل ایسٹ گرین انیشیٹو سمٹ” ایشی ءِ میزبانی سعودی عرب ءِ ولی عہدر ءُ مزن وزیر محمد بن سلمان کنگ ءَ انت ایشی ءَ ھم بھر زوری کنت۔ مزن وزیر سمٹ ءِ سائیڈ لائنز آنی آسر ءَ بازیں میاں اوستمانی سروک آنیگوما دو نیمگی گند ءُ نند ھم کنت انت۔
