لاہور۔5نومبر (اے پی پی): مزن وزیر محمد شہباز شریف ءَ گوشت کہ فل کورٹ کمیشن عمران خان ءِ سر ءَ ارش ءِ پٹ ءُ پول ءَ کنت، بنجاھی حکومت سپریم کورٹ ءِ کمیشن ءَ گوں گیشاں چہ گیش کمک کنت، کمیشن ءِ جوڑیشت ءِ واسہ زوت چیف جسٹس ءَ را نمدی نبشتہ کناں، عمران خان ءَ ھوار توامیں ٹپیگ آناں زوتاں چہ زوت جان سلامتی ءِ واستہ دعا گو آں، واکیہ ءَ چہ پد بھتام بندگ اپسوزی گپ ات، دروگ ءُ پروپیگنڈا ءَ چہ الس ءَ را گمراہ کنگ ءِ کوشست کنگ بوھگ ءَ انت، عمران خان سنگ دل مردم ات ایشرا دومی اچ کس ءِ احساس ءُ سما نیست انت۔ شمبے ءِ روچ ءَ ادا ماڈل ٹاؤن ءَ پریس کانفرنس ءَ گوں گشتانک دیان ءَ آئی ءَ گوشت کہ پی لٹی آئی ءِ لانگ مارچ ءَ ل بوھوکیں واکیہ ءَ را مذمت گران ، گوستگیں روچاں بد بھتی ءَ اپسوزی ایں واکیہ ءِ بوتگ۔ وزارت ءِ تہی کار ءَ جیڈھ آنی پٹ ءُ پول ءِ زوتیں پنت ءُ شون کتگ۔ اپسوز ناکیں واکیہ ءَ چہ پد وتی پریس کانفرنس ءَ را مھتل کنگ بوتگ، فائرنگ ءِ واکیہ َ بیران بوھوکیں باسک ءَ را اللہ پاک بہ بکشات۔ آئی ءَ گوشت کہ عمران خان ءَ توامیں توامیں ٹپیگ آناں زوتاں چہ زوت جان سلامتی ءِ واستہ دعا گو آں۔ واکیہ ءَ چہ پد بھتام بندگ اپسوزی گپ ات۔ دروگ ءُ پروپیگنڈا ءَ چہ الس آناں گمراہ کنگ ءِ کوشست کنگ بوھگ ءَ انت۔ ادارگ آنی سر ءَ بھتام بندگ بند بہ بیت، عمران خاں ءِ بستار یک دروگ بندیں لچڈے ءَ ابید اچ ءِ نہ ات۔ آئی ءَ گوشت کہ شپ ءُ روچ دروگ بندوکیں مرد پاکستانی فوج ءِ سر ءَ ارش کنگ کنگ ءَ انت، الس آنی گوما دروگ ءُ بٹاک بس کنگ بہ بنت، ادارگ آنی ھلاپ ءَ سوشل میڈیا ءَ ٹرینڈ چلائینگ بند بہ بیت۔ آئی ءَ گوشت کہ ادارگ آنی ھلاپ ءَ ٹرینڈ چلائینگ ءِ پد ءَ بھارتی میڈیا گل ءُ شاتکامی ءِ درشان ءَ کنگ ءَ انت۔ آئی ءَ گوشت کہ کمیشن ءِ جوڑ کنگ ءِ واستہ زوت آ چیف جسٹس ءَ را نمدی ءِ نبشتہ کنگ ءُ چیف جسٹس ءَ گوں دزبندی انت کہ ھمے کمیشن ارشد شریف ءِ کیس ءِ سر ءَ سرجمیں چار ءُ بچار ءِ ھم بہ گپت۔
