اسلام آباد۔5نومبر (اے پی پی): بنجاھی وزیر برائے صنعت ءُ تجارت سید نوید قمر ءَ گوشتگ کہ پاکستان ءُ ارجنتائن میاں اوستمانی نہ وشی آنی رد ءَ یکجائی میاں اوستمانی ماحولیاتی بن گپ ءُ یک رنگیں جیڈھ آنی گوما مقابلہ بوھگ ءَ انت۔ شمبے ءِ روچ ءَ ادا جاڑی بوتگیں بیان ءِ رد ءَ وتی ھیالانی درشانی ءَ کنان ءَ آئی ءَ گوشت کہ موسمی مٹ ءُ بدلی ءُ پاکستان ءَ استی سیلاپ ءِ ھوالگ ءَ گول میز کانفرنس ءَ گوں گشتانک دیان ءَ کت ایشی ءِ بست ءُ بند ارجنٹائن ءِ مزن تکی تھنک ٹینک ءَ کتگ بوتگ۔ استیں ھور ءُ سیلاپ ءَ چہ بوھوکیں ٹوھیں کساس ءَ تاوان آناں سہرا کنگان ءَ بنجاھی وزیر ءَ گوشت کہ استیں سیلاپ ءَ چہ 33 ملین مردم آماچ بوتگ انت۔ آئی ءَ گوشت کہ 1700 َ چہ گیش مردم بیران بوتگ انت ءُ کساس 7.9 ملین مردم بے گس بوتگ انت۔ بنجاھی وزیر ءَ گوشت کہ ایشی ءَ چہ جانی تاوان آں ابید 14.6 ملین مردم ورگ ءُ نوشگی جیڈھ آنی آماچ انت۔ آئی ءَ گوشت کہ موسمی مٹ ءُ بدلی ءِ نیگیٹیو رند پد آناں کم کنگ ءِ واستہ میاں اوستمانی موحولیاتی کمک آناں ودینگ ءِ ھوالگ ءَ زور دات ءُ صنعتی ملک آناں گوشت کہ آ ماحولیاتی آلودگی ءِ ھوالگ ءَ وتی مالیاتی زمہ واری آناں پیلو بکن انت۔
