اسلام آباد۔4نومبر (اے پی پی): مزن وزیر محمد شہباز شریف 7 ءُ 8 نومبر ءَ مصر ءِ شہر شرم الشیخ ءَ COP27 ءِ ھوالگ ءَ سروک دیوان ءَ بھر زوری کنت۔ درئی کارانی کارگس ءِ ترجمان عاصم افتخار احمد ءَ آدینگ ءِ روچ ءَ ھمک ھپتگی پریس بریفنگ ءَ گوشت کہ پاکستنا ءُ چین ءَ وتی بنیاتی جیڈھ آناں یک ءِ دومیگ ءِ کمک جاڑی دارگ ءِ ھوالگ ءَ تپاک کتگ وھدیکہ چینی سروک آں کشمیر ءَ بابت ءَ کمک کنگ ءِ جزم ءِ درشان کتگ۔ ترجمان ءَ گوشت کہ مزن وزیر شہباز شریف ءَ چین ءِ استیں سرکاری تر ءُ تاب ءِ ساھت ءَ صدر شی جن پنگ ، مزن وزیر لی کی چیانگ ءُ نیشنل پیپلز کانگریس ءِ سٹینڈنگ کمیٹی ءِ چیئرمین ءَ ھوار جتا جتائیں ارزشتی ایں سروک آں گند ءُ نند کت، اے گند ءُ نند آنی تہ ءَ وزیر ءِ درئی کار بلاول بھٹو زرداری ھم آئی ءِ ھمبراہ ات۔ آئی ءَ گوشت کہ مزن وزیر ءِ سیٹ ءِ نندگ ءَ چہ پد ایش اولی دو نیمگی تر ءُ تاب بوتگ ءُ آ سی پی سی ءِ تاریخی 20 بیستمی راجی کانگریس ءَ چہ پد چین ءِ تر ءُ تاب کنوکیں اولی سروک آنی تہ ءَ یک ات۔ آئی ءَ گوشت کہ تر ءُ تاب ءِ ساھت ءَ وزیر ءِ درئی کار بلاول بھٹو زرداری ءَ وتی چینی ھمکار سٹیٹ کونسلر ءُ وزیر ءِ درئی کار وانگ یی ءَ گوں دو نیمگی گند ءُ نند کت۔ ترجمان ءَ گوشت کہ دوئیں ملک آنی بی آر آئی ءِ فلیگ شپ پراجیکٹ ءِ رنگ ءَ سی پیک ءِٹوھیں دیمروئی ءَ را ترند گامگیج کنگ ءِ سر ءَ سرجمیں تپاکی انت وھدیکہ ایم ایل ون ءُ کراچی سرکلر ریلوے ءِ منصوبگ ءِ سر ءَ ترندیں پد ءُ رندی ءَ گوں تپاک کنگ بوت۔ آئی ءَ گوشت کہ چین ءَ سولر ھاٹیگ ءِ ازم ءَ را دیمروئی دیگ ءِ واستہ پاکستان ءِگامگیج آناںمن اتگ ءُ آ وتی کمپنی آناں پاکستان ءَ شمسی ھاٹیگ ءِ منصوبگ آنی تہ ءَ سرمایہ کاری کنگ ءِ ھیل کاری دنت۔ اے تر ءُ تاب ءِ ساھت ءَ دو نیمگی، تجارت ءِ سر ءَ ، پاکستان ءِ برآمداست، ھاسیں رنگ ءَ وردن ءُ وراک ءُ کشت ءُ کشاری سامان آناں ودینگ ءِ ھوالگ ءَ تپاک کنگ بوت۔ ترجمان ءَگوشت کہ چین ءَسیلاپ ءَ چہ پد نوک سر جوڑیشت ءَ کمک ءِ واستہ 500 ملین یو ان ءِ گیشی ایمرجنسی کمک پیکیج پجاری کنگ ءُ آیوکیں باندات ءِ ھور ءُ ھار آناں کم کنگ ءِ واستہ جوانیں انفراسٹرکچر تیار کنگ ءِ سر ءَ تپاک کتگ۔ ترجمان ءَگوشت کہ سعودی عرب ءُ پاکستان ءِ سپریم کوآرڈینیشن کونسل ءِ سیاسی ءُ سیکورٹی ءِ اببت ءَ جوڑیں یکجائی ورکنگ گروپ ءِ دیوان اسلام آباد ءَ بوت ایشی ءَ چہ یکجائی ل سروکی ادارُکی سیکرٹری درئی کار جوہر سلیم ءُ سعودی عرب ءِ نائب وزیر برائے سیاسی کار ایمیبسڈر ڈاکٹر سعود بن محمد الساطی ءَ کت۔ دیوان ءِ ساھت ءَ وت مہ وتی پراھ ءُ شاھیگانیں بنگپ آنی سر ءَ سرجمیں ھیال ریچی کنگ بوت۔ پریک آں سیاسی ءُ سیکورٹی ءِ شوبگ آنی تہءَ کوھنیں دو نیمگی کمک آناں گیش برجم دارگ ءِ جزم کت وھدیکہ دوئیں ملک آنی ڈل آں وتی نزیکیں ھمساھگ ءُ شاھیگانیں پڑ ءَ سیاسی ءُ سیکورٹی جاور ھال آنی سر ءَ ھیال ریچی کت۔ ترجمان ءَ گوشت کہ پاکستان ءَ گوستگیں ھپتگ ءَ ممبئی ءَ یونائیٹڈ نیشن ءِ ناشرکاری ءِ گر ءُ داری کمیٹی (سی ٹی سی) ءِ دیوان ءَ پاکستان ءِ ھلاپ ءَ بھارت ءِ بے سر ءُ پادیں پروپیگنڈا آناں رد کتگ۔ ترجمان ءَ گوشت کہ ما بھارت ءِ گیر کانودی آوار جتگیں جموں کشمیر یوم ءِ سیاہ ءِ موہ ءَ یک السی مراگشے ءَ بھارتی وزیر ءِ دیمپانی ءِ باز نہ وشیں ، آس دمینوک ءُ لھڈ جنوکیں بے سر ءُ پادیں ریمارکس آناں ھم گوں ترندی ءَ مذمت کتگ۔ آئی ءَ مقبوضہ کشمیر ءِ جاور ھال آنی ھوالگءَ جھلانکیں ڈکھ ءُ نہ وشی ءِ درشان ءَ کنان ءَ گوشت کہ ایوک ءَ اکتوبر ءِ ماہ ءَ بھارتی زوراکیں فوج ءَ وتی ریاستی ناشرکاری ءِ یک شلیں کاروائی ءَ 14 کشمیری آناں فرضی مقابلہ ءُ گیر کانودی آوار جتگیں مردم ءَ شہید کتگ، بھارتی زوراکیں ارد ءَ وتی ریاستی ناشرکاری ءَ را یک شلیں کاروائی ءَ 14 کشمیری آنی فرضی مقابلہ ءُ گیر کانودی دزگیری ءِ ساھت ءَ شہید کتگ۔ بھارتی پولیس ، نیم فوجی کارندہ ءُ بدنام زمانہ نیشنل انویسٹی گیشن ایجنسی ءَ ھم یک ماھے ءِ ساھت ءَ مقبوضہ دمگ آنی تہءَ جتا جتائیں دمگ آناں چپ ءُ چاگرد کتگ ءُ تلاشی گپتگ ءُ گس آناں چھاپہ جنگ ءِ ساھت ءَ درزنانی مردم دزگیر ءُ ودیکہ یک مردمے ءِ گس ءَ را تباہ کنگ بوتگ۔ درئی کارانی کارگس ءِ ترجمان ءَ گوشت کہ بھارت ءَ مقبوضہ کمشیر ءِآباتی ءَ را مٹ کنگ ءِ اے نہ وشیں منصوبگ آنی گوما کودکیں کشمیری آناں لگت مال کنگ کنگ ءِ زمہ وار نامینگ بہ بیت۔ آئی ءَ گوشت کہ وزیر ءِ درئی کار بلاول بھٹو زرداری ءَ بیجنگ ءَ بوھوکیں ایس سی او کونسل آف ہیڈ آف فورگورنمنٹ ءِ دیدوان ءَ ورچوئل فورمیٹ ءَ پاکستان ءِ نماھندگی کت۔ وتی گشتانک ءَ وزیر ءِ درئی کار بلاول بھٹو زرداری ءَ ایس سی او ءِ سرجمیں پڑ ءَ گیشاں چہ گیش رابطہ ءِ جوڑیشت ءَ چہ انٹرا ایس سی او کمک ءِ سیاسی ءُ اقتصادی امیت آناں پچ کنگ ءَ کمک رسیت۔ وزیر ءِ دیمپانی ءَ چین پاکستان اقصادی کشک ءِ ارزشت ءِ سر ءَ زور پردات ایش دمگی ھواری ءِ وسیلگ یکجائی وشھالی ءِ شنگھائی کمک ءِ وژن ءَ را سرجم ءُ برجم کنت۔
