اسلام آباد۔ 04 نومبر (اے پی پی) بنجائی وزیر کانود و انصاف و اقتصادی امور سردار ایاز صادق پارینے کہ پاکستان ترکیہ تون تینا تعلقداری تے بھاز اہمیت ایتک و قدر انا نظر اٹ ہرک۔ داخیال آتا درشانی ءِ او جمعہ نادے آ ترکیہ نا پاکستان اٹی سفیر مہمت پکاچی تون اوڑدہی ٹی کرے۔ اوڑدہی ٹی تین پہ تینی است خواہی و ہڑتوم آ کنڈآتا تعلقداری تے پین مون آ دننگ نا بابت امور آ شرہ مس۔ اوڑدہی ٹی ترکیہ نا بینکنگ سیکٹر نا پاکستان اٹی زرکاری نا بابت امور آ ہم شرہ مس۔ داوخت آ گپ وتران کرسا بنجائی وزیر کانود و انصاف و اقتصادی امور سردار ایاز صادق پارے کہ پاکستان ترکیہ تون تینا تعلقداری تے بھاز اہمیت ایتک و قدر انا نظر اٹ ہرک۔ ہڑتوم آ فریق آک زرگزرانی، کانودی و ایلو بشخ آتیٹی کمکاری ءِ پین مون آ دننگ آ ہم امنا کریر۔
