اسلام آباد۔ 04 نومبر (اے پی پی) بلوچستان عوامی پارٹی نا پارلیمانی لیڈر اسلم بھوتانی پارینے کہ بنجائی وزارت خزانہ شونداری فنڈ آتے زوت آن زوت ریلیز کے۔ جمعہ نادے آ قومی اسمبلی نا دیوان اٹی اعتراضی ٹک آ اوپارے کہ وزیراعظم نا منت وار اُن کہ او حلقہ غاتیکن فنڈآتا منظوری ءِ تسنے۔ ہرا حزب اختلاف و حزب اقتدار آن تعلق تخوک آ ہڑتوم آ کنڈانا باسک آتیکن بے پرخ فنڈ فراوان کننگ نا منظوری ءِ تسنے۔ اوپارے کہ دا شونداری فنڈ ءُ ، ہردور اٹی دا جاری مریرہ۔ کابینہ اوفتا منظوری ءِ تسنے ولے وزارت خزانہ ٹی سلوک ءُ، دا زر ءِ 30 جون اسکان خڑچ مروئی ءِ و ننتون بیرہ شش تُو سلوک ءُ۔ اگہ دا فنڈ آتا فراوانی ٹی ہرے کننگا تو اونا ہچ ءُ فائدہ اس مفک۔ اوخواست کرے کہ جنگی بنداو تیا کاریم کرسا دا فنڈ آتے ریلیز کننگے۔ اسلم بھوتانی مستی پارے کہ عمران خان آ جلہو نا واقعہ دُن تو پنجاب اٹی رونما مسنے ہنداخاطران بنجائی حکومت جاست وپاست اٹی پنجاب نا کمک ءِ کے۔
