اسلام آباد۔ 04 نومبر (اے پی پی) سینیٹ نا فنکشنل کمیٹی تفویض کردہ کانود سازی چیئرمین پاکستان تحریک انصاف عمران خان آ جلہو و سیاست اٹی بیدادی نا رجحان نا مذمتءِ کرس سیاسی جماعت آتیا زور شاغانے کہ او سیاست اٹی بیدادی ءِ اِلسا مذاکرات نا کسر ءِ اختیار کیر۔ کمیٹی نا دیوان جمعہ نادے آ چیئرمین کمیٹی میاں رضا ربانی نا کماشی ٹی پارلیمنٹ لاجز اٹی مس۔ دیوان اٹی سینیٹر روبینہ خالد، مولوی فیض محمد، کیشوبائی و وزارت کانود و انصاف نا کمامدارآک بشخ ہلکر۔ چیئرمین کمیٹی کمیٹی باسک آتا کنڈآن چیئرمین پاکستان تحریک انصاف عمران خان آ جلہو و سیاست اٹی بیدادی نا رجحان نا مذمت ءِ کرے و سیاسی جماعت آتیا زور شاغا کہ او سیاست اٹی بیدادی ءِ اِلسا مذکرات نا کسر ءِ اختیار کیرہراکہ جمہوریت کن المی ءِ۔ کمیٹی 5 ٹکی ایجنڈاغا سجفے۔ کمیٹی سلاہ تس کہ ہراتم بل اس درستی راستی کرفنگے تو بنجائی حکومت دابل آ عملدرآمد نا مالی اثرآتے ہم پیش کے۔ داہم سلاہ تننگا کہ بنجائی حکومت 1973 نا آئین نا آرٹیکل 89 نا رداٹ آرڈیننس پیش کننگ نا بابت ہموسوب و حالیت آتاپائے ہرافتا سوب آن صدر دا آرڈیننس ءِ جاری کرے ولے دا بل پاس مننگ آن پد ایوان اسے آن وخت انا وخت اس اینک کننگ مریک۔ کمیٹی تفویض کردہ کانود سازی نا بابت کمیٹی نا ایس اوپی تا منظوری ءِ تس۔ دیوان اٹی کمیٹی نا 2015 آن داتم اسکان نا کارکڑد رپورٹ ءِ ہم منظور کننگا۔ دیوان اٹی سیکرٹری کانود و انصاف 1947 آن داتم اسکان جوڑ کروک قاعدہ و ضابطہ و تفویض کردہ کانود سازی نا بابت حوال تس۔ دیوان اٹی کمیٹی نا سہ ماہی رپورٹ ءِ ہم پیش کننگا۔
