مچ آ ملک اٹی 24 گھنٹہ ٹی 11 ہزار 693 کورونا ٹیسٹ کننگا، این آئی ایچ

اسلام آباد۔ 04 نومبر (اے پی پی) نیشنل انسٹی ٹیوٹ آف ہیلتھ (این آئی ایچ ) پارینے کہ مچ آ ملک اٹی تدوک آ 24 گھنٹہ ٹی 11 ہزار 693 کورونا ٹیسٹ کننگا وخت اس کہ کورونا ٹیسٹ انا کچ 0.34 درسد آٹی ءِ۔ جمعہ نادے آ نیشنل انسٹی ٹیوٹ آف ہیلتھ انا کنڈآن جاری حساب وکتاب نا رداٹ تدوک آ 24 گھنٹہ ٹی 11 ہزار 693 بندغ آتیان 40 بندغ آتا کورونا ٹیسٹ مثبت بسنے۔ ہندا وڑ دا مد اٹی مثبت کورونا ٹیسٹ انا کچ 0.34 درسد مسنے۔ داکان بیدس داوخت آ کورونا دین آن اسہ ناجوڑ اس ہم زوال کتنے وخت اس کہ 61 ناجوڑ آتا حالیت نازرک ءِ۔ داکان بیدس 5 آن 11 سال انا وئی نا غٹ چناتے کورونا ویکسین نا ارٹ میکو خور خلنگ نا چرجوئی برجاءِ ہرا 5 نومبر اسکان برجاسلک ولے ہمو غٹ چناتے ہرافتے کورونا ویکسین نا اولیکو خور خلنگانے او ارٹ میکو خور ءِ عاضی ویکسی نیشن سینٹر، اسکول و سرکاری جان جوڑی ہند آتیان خلفنگ کیرہ۔