کوئٹہ۔ 04 نومبر (اے پی پی) ڈائریکٹر جنرل لیویز بلوچستان قادر بخش پرکانی پارینے کہ امن و ایمنی نا بحالی ٹی لیویز فورس انا کڑد نمان ءِ، لیویز فورس ءِ پاک فوج انا وڑآ پوسکن تربیت فراوان کننگانے ہرا کسبی فرض انا سرتننگ اٹ کمکار مریک۔ داخیال آتا درشانی ءِ او جمعہ نادے آ کوئٹہ کینٹ اٹی بلوچستان لیویز فورس انا 8 می بیج انا پاسنگ آؤٹ پریڈ نا ایسری دود آن تران کرسا کرے ۔ داوخت آ لیویز فورس انا لائٹ کمانڈو ٹریننگ دوئی کروک آ ورناک چندی لائخی تا عملی درشانی ءِ کریر۔ ڈی جی لیویز فورس پارے کہ لیویز نا کارندہ غاک گچین تربیت دوئی کرسا پاس آؤٹ مننگ ءُ، نن پُر اومیت اُن کہ پاس آؤٹ مروک آ ورناک نئے بیرہ لیویز بلکن ملک و قوم انا پن ءِ روشنا کیرہ و بحالی امن اٹ تینا اہم ءُ کڑد اس ادا کیرہ۔ اوپارے کہ لیویز ورناتے پوسکن تربیت نا فراوانی آ پاک فوج انا منت وار ءِ۔