اسلام آباد۔ 03 نومبر (اے پی پی) بنجائی دارالحکومت اسلام آباد اٹی سفری آسراتی تا گچینی کن وزیراعظم نا پارت آ چندی سیکٹرآتے میٹرو بس سسٹم تون گنڈنگ نا ڈٹ انا بنا ءِ کننگا، 13 روٹ و 128 بس آتیا تالان فیڈر روٹ بس نیٹ ورک نا اولیکو ریسہ بروک آ سال انا اولیکو سہ ماہی ٹی پورو کننگک۔ وزیراعظم آفس نا میڈیا ونگ آن جاری بیان نا رداٹ اولیکو ریسہ ٹی ایف ، جی وآئی سیکٹر آتون اوار اوار ڈی 12 ءِ مرکزی میٹرو نیٹ ورک تون بس آتا کمک اٹ منسلک کننگک۔ دا فیڈرروٹ آتیان کم و ود اسہ لکھ مسافر آتے آرام دہ و جہانی آب انا سفری آسراتی دُوبریک۔ وزیراعظم محمد شہباز شریف ڈٹ ءِ اولیتی بنداو تیا پورو کننگ نا پارت کرینے۔
