اسلام آباد۔ 03نومبر (اے پی پی) بنجائی وزیر چاگڑدی بدلی سینیٹر شیری رحمان پارینے کہ بندگلی ٹی اختہ مننگ آن پد تحریک انصاف نا راہشون داسہ ادارہ و عدالت آن نیام تمنگ نا خواست کننگ ءِ، شارٹ کٹ مارچ اٹی نئے مخلوق پیش تمنگ ءِ نئے اونا بھرم اس پیش تمنگ ءِ۔ پنچ شنبےنادے آ جاری بیان اٹی اوپارے کہ ہراتم عمران خان ءِ ہچ ءُ ڈیل اس رسینگتو و غیر آئینی خواست غاتے امنا کننگتو تو کنٹینر آ سلسا پاہک کہ کس اسے تون ہیت کپرہ، ہرادے تحریک انصاف نا راہشون سیاسی تنکی پاننگ ءِ او سیاسی تنکی اس آخا بلکن عمران خان نا سیاست نا وڑ ءِ، پارلیمنٹ ءِ اہمیت تسکہ تو اینو ریسکیو اپیل کروئی متوکہ۔ شیری رحمان پارے کہ تحریک انصاف داسکان جمہوری و آئینی سیاست ءِ ہیل کننگ نا ریسہ غاتیٹی ءِ، اگہ جمہوری سیاست دان مسکہ تو مارشل لاخلنگ نا ہیت ءِ کتوکہ۔ اوپارے کہ دا خواہک دانظام ءِ مچ کرسا اودے ملک انا بادشاہ جوڑ کننگے، ہراتم نی پارلیمان نا جاگہ غا کنٹینر نا کسر ءِ گچین کیسہ تو بند گلی ٹی ہی کاسہ۔
