اسلام آباد۔ 03 نومبر (اے پی پی) مچ آ ملک اٹی تدوک آ 24 گھنٹہ ٹی 13 ہزار 83 کورونا ٹیسٹ کننگا وخت اس کہ مثبت کورونا ٹیسٹ انا کچ 0.52درسد آٹی ءِ۔ پنچ شنبےنادے آ نیشنل انسٹی ٹیوٹ آف ہیلتھ نا کنڈآن جاری حساب وکتاب نا رداٹ تدوک آ 24 گھنٹہ ٹی 13 ہزار 83 بندغ آتیان 68 بندغ آتا کورونا ٹیسٹ مثبت بسنے۔ ہندا وڑ دا مد اٹی مثبت کورونا ٹیسٹ انا کچ 0.52درسد مسنے۔ داکان بیدس داوخت آ کورونا دین آن اسہ ناجوڑ اس ہم زوال کتنے وخت اس کہ 57 ناجوڑ آتا حالیت نازرک ءِ۔ داکان بیدس 5 آن 11 سال انا وئی نا غٹ چناتے کورونا ویکسین نا ارٹ میکو خور خلنگ نا چرجوئی برجاءِ ہرا 5 نومبر اسکان برجاسلک، ہنداخاطران ہمو غٹ چناک ہرافتے کورونا ویکسین نا اولیکو خور خلنگانے او ارٹ میکو خور ءِ عارضی ویکسی نیشن سینٹر، اسکول و سرکاری جان جوڑی ہندآتیان خلفنگ کیرہ۔
