راولپنڈی۔ 03 نومبر (اے پی پی) اینٹی نارکوٹکس فورس ملک اٹی منشیات تور کارروائی تیٹی بھلو کچ اسے ٹی منشیات نا اسمگلنگ نا کوشست ءِ بے سہب کرسا دوبہ دار آتے دزگیر کرے، اے این ایف ہیڈکوارٹر راولپنڈی آن جاری بیان نا رداٹ فورس انا منشیات نا برخلاف کارروائی تیٹی اسلام آباد انٹرنیشنل بالی پٹ آ برازیلین شاری اسے آن 1 کلو 560 گرام کوکین دوئی کننگا، دوبہ دار ءِ دوحہ غان بروک آ فلائٹ نمبر QR632آن پٹنگ نا وخت آ دزگیر کننگا۔ داکان بیدس کراچی ناردرن بائی پاس آ کوئٹہ نا ہنکینی دوبہ دار آن 180 نشئی ءُ گولی دوئی کننگا۔ اسہ جتا ءُ کارروائی اسے ٹی لاہور اٹی واقع کوریئر آفس اٹی لندن آ گدریفوک آ پارسل آن 900 گرام ہفیم دوئی کننگا ہرافتے کتاب آتیٹی اودیم کننگاسس۔ دوبہ دار آتے دزگیر کرسا منشیات تور ایکٹ نا رداٹ مقدمہ درج کرسا جاست وپاست نا بناءِ کننگانے۔

متعلقہ مضامینمصنف کی طرف سے مزید