پشاور۔ 03 نومبر (اے پی پی) وزیراعلیٰ خیبرپختونخوا محمود خان نا کماشی ٹی خیبرپختونخوافلڈ ریسپانس پلان 2022 نا دیوان اس اڈ ہلک، ہراٹی حوال ترسا پاننگاکہ ساڑی آ نوکاپ آن پبلک سیکٹر ءِ 77.6 وخت اس کہ پرائیویٹ سیکٹر ءِ 42.5 ارب روپئی نا نسخان مس۔ زوال کروک آ بندغ آتا وارث آتے 245 ملین وخت اس کہ ٹھپی مروک آتے 75 ملین روپئی ادا کننگک، بھس مروک آ ہند آتا بحالی آ 23.78 ارب روپئی خڑچ بریک، ساڑی آ نوکاپ آن 1 لکھ 7 ہزار ایکڑ رقبہ غا تالان فصل آتے نسخان رسینگا۔ دیوان اٹی وزیراعلیٰ محمود خان صوبہ ٹی کلائمنٹ رزیلینٹ انفراسٹرکچر فنڈ اس ٹہیفنگ نا فیصلہ ءِ کرسا پارے کہ فنڈ انا کمک اٹ کلائمیٹ ریزیلینٹ انفراسٹرکچر ءِ تفنگک، بحالی گام گیج آتا ضلعی، محکمہ و صوبائی کہول آ مانیٹرنگ کننگک۔
