اسلام آباد۔2نومبر (اے پی پی):پاکستان ءُ چین ءِ سروک آں پاک چین اقتصادی راہداری سی پیک ءُ پاک چین دوستی ءِ ھلاپ ءَ ھمک رنگیں بیم ءُ ھوپ ءُ منصوبگ آنی مقابلہ کنگ ءِ وستہ وتی مھکمیں جزم ءِ درشان کتگ۔ پاکستان ءَ ملک ءَ توامیں چینی کارندہ، منصوبگ ءُ ادارگ آنی رکھینگ ءِ واستہ وتی جزم ءِ درشان کتگ۔ چار شمبے ءِ روچ ءَ عوامی جمہوریہ چین ءُ اسلامی جمہوریہ پاکستان ءِ نیام ءَ یکجائی جار ءَ گوشگ بوتگ کہ چینی پریک آں اے رد ءَ پاکستان ءِ مھکمیں جزم ل ءُ جوانیں گامگیج آناں ساڑاتگ۔اے یکجائی جار مزن وزیر محمد شہباز شریف ءِ السی جمہوریہ چین ءِ دو روچی سرکاری تر ءُ تاب ءِ گڈ ءَ جاڑی کنگ بوتگ، مزن وزیر شہباز شریف ءِ مزن وزیر ءِ سیٹ ءَ نندگ ءَ چہ پد ل اے چین ءِ اولی دو نیمگی تر ءُ تاب بوتگ۔ 2023 ءَ سی پیک ءِ جوانیں کامیاتی آناں دھ سال سرجم بوھگ ءِ ھوالگ ءَ پریک آں دوئیں ملک آنی چاگردی ءُ اقتصادی دیمروئی ءَ سی پیک ءِ کرد ءِ ھوالگ ءَ دل یکیمی ءِ درشان کت۔ دوئیں پریک آں موسمی مٹ ءُ بدلی ءِ جیڈھ آناں تسلیمکتگ ءُ موسمی مٹ ءُ بدلی ءِ ھرابیں رند پد آناں کم کنگ ءُ اے ھوالگ ءَ یکوئی پیداک کنگ ءِ واستہ مھکمیں کوشست ءِ جزم ءِ درشان کت۔ دوئیں پریک آں یو این ایف سی سی سی ءِ گوما ایشی ءِ پیرس منوگری ءِ سیم سر، کار رھبند ءُ دیمپانی ءِ واستہ وتی بندوکی ءِ درشان کت۔ دوئیں نیمگ ءَ سروک آں تسلیم کتگ کہ پاکستان ءَ استیں سیلاپ ءِ موسمی مٹ ءُ بدلی رند پد آں گوں جھلانکیں یکوئی است ایشی ءِ واستہ نوک دیمروئی کنوکیں ملک باز کم زمہ وار انت بلے ھرابیں رند پد آنی آماچ انت۔ دوئیں پریک آں نوک دیمروئی کنوکیں ملک آنی سر ءَ زور پر دات کہ آ وتی سوگند آناں پیلو بکن انت۔ گرین ہاوس گیس آنی یلو بوھگ ءَ کمک ءِ رد ءَ دیمروئی بکن انت ءُ نوک دیمروئی کنوکیں ملک آناں جوانیں موسمی فنانسنگ پجاری کنگ بہ بیت۔ ایٹماسپیئر ءِ مٹ ءُ بدلی ءَ گوں گر ءُ چیل بوھگ ءِ واستہ پاکستان ء، گامگیج ءُ بیلٹ اینڈ روڈ انیشیٹو ءِ چیر دستی ءَ سبز یں کمک ءَ را دیمروئی دیگ ءِ واستہ چین ءِ گامگیج آناں ساڑات ءُ دوئیں پریک آناں ایٹماسپیئر ءِ نظام ءِ برجائی ءُ آپی آسراتی انتظامی وڑیں شوبگ ءَ کمک آناں ودینگ ءِ ھوالگ ءَ تپاک کت۔
