5آن 11 سال اسکان نا وئی نا چناتے کورونا ویکسین نا ارٹ میکو خور خلنگ نا عمل نا بناء

اسلام آباد۔ 02 نومبر (اے پی پی) نیشنل کمانڈ اینڈ آپریشن سینٹر نا کوآرڈنیٹر میجر جنرل پروفیسر ڈاکٹر عامر اکرام پارینے کہ 5 آن 11 سال اسکان نا وئی نا چناتے کورونا ویکسین نا ارٹ میکو خور خلنگ نا عمل نا بناءِ کننگانے، ہرا 5 نومبر اسکان برجاسلک۔ داکان مست 12 سال آن زیات وئی نا چناتیکن کورونا ویکسی نیشن نا بنا ءِ کننگا و دارداٹ چندی مہم آتے ہم چلیفنگا، داوخت آ پاکستان نا 90 درسد آبادی ءِ کورونا دین نا ہڑتوم آ خور آتے خلنگانے و بوسٹر خور خلنگ نا عمل برجاءِ۔ چارشنبےنادے آ تینا ویڈیو بیان اٹی اوپارے کہ داسہ 5 آن 11 سال وئی نا چناتے کورونا ویکسین نا ارٹ میکو خور خلنگ نا عمل نا بناءِ کننگانے، ہراکہ بھاز المی ءِ ، دارداٹ چندی مہم آتے چلیفنگک۔ اوپارے کہ داویکسین رکھوک ءِ و دابابت نن چاہندارآتون ہم سلابت کرینن و دادے جہانی وڑاٹ رکھ وکاریمی گوندنگانے۔ او لمہ و استاد آتیان خواست کرسا پارے کہ او زوت آن زوت 5 آن 11 سال اسکان نا وئی نا چناتے کورونا ویکسین خلفنگ کن خڑک انا ویکسی نیشن سینٹر آ بریر۔ یات سلے کہ 5 آن 11 سال انا وئی نا چناتے کورونا ویکسین نا ارٹ میکو خور خلنگ نا عمل بناکرینے ہرا 5 نومبر اسکان برجاسلک۔