وزیر  ءِ درئی کار بلاول  بھٹو زرداری ءِ شنگھائی  کمکی  گل   ءِ  حکومت   ءِ سروک   آنی  21 بیست  ءُ یکمی  دیوان  ءَ گوں  گشتانک

اسلام آباد۔1نومبر  (اے پی پی): وزیر  ءِ درئی کار بلاول  بھٹو زرداری  ءَ پاکستان  ءَ  سیلپاپ  ءَ چہ آماچیں  مردم آنی گوما  یکوئی   ءُ   آوانی گوما  کمک  ءِ پد  ءَ شنگھائی کمکی   گل  ءِ  باسکیں ملک  آنی شگر ءُ منت واری  گران  ءَ  موسمی  مٹ ءُ بدلی  آں  ءِ   ھرابیں رند  پد آں گوں گر  ءُ چیل   بوھگ ءِ واستہ   یکجائی  کوشست   ءِ ضلورت   ءِ سر ءَ  زور پر دات۔   درئی کارانی  کارگس   ءِ ترجمان  ءِ  نیمگ ءَ  جاڑی  بوتگیں  بیان  ءِ رد ءَ اے  ھیالانی  درشانی  آئی  ءَ  سئے  شمبے  ءَ شنگھائی  کمکی  گل (ایس سی او)  ءِ کونسل  آف ہیڈز آف  گورنمنٹ (حکومت ءِ سروک)  ءِ  21 بیست ءُ یکمی  دیوان ءَ گوں گشتانک دیان ءَ  کت۔   ورچوئل  فارمیٹ  ءَ دیودان  ءِ   میزبانی  چین ءَ   کت  آ  ایس  سی او  ءِ کونسل  آف  ہیڈز آف گورنمنٹ    ءِ استیں  سروک  انت۔ چین، قازقستان،  کرغزستان،  روس، تاجکستان  ءُ ازبکستان   ءِ  حکموت  ءِ سروک آنی گوما  ایس سی او  ءِ  گشتانکاریں ملک آنی نماھندگ  ھم  دیوان ءَ  بھر زوری  کت۔  وزیر  ءِ درئی کار   ءَ شنگھائی  کمکی  گل   ءِ باسکیں  ملک   آنی  نیام ءَ  اقتصادی   ءُ تجارتی کمک  آناں  ودینگ  ءِ  ارزشت ءِ سر ءَ زور  پر دیان ءَ گوشت کہ  گل  ءِ گیشاں  چہ گیش رابطہ کاری جوڑ کنگءَ چہ ایس سی او  ءِ نیام ءَ کمک  آنی سیاسی  ءُ اقتصادی  ازمکاری آناں  پچ  کنگ   ءَ کمک  رسیت۔  وزیر ءِ  درئی کار ءَ گوشت کہ  چین پاکستان  اقتصادی راہداری  سی پیک  بیلٹ  اینڈ  روڈ انیشیٹو  ءِ ارزشتی ایں  منصوبگ ات ایش دمگی رابطہ  ءُ  ھوار کنگ ءِ وسیلگ  ءَ  یکجائی  وشھالی ءِ شنگھائی  کمک  ءِ  وژن ءِ  سرجمیں  ءَ کنت۔  وزیر ءِ درئی کار بلاول  بھٹو زرداری ءَ گوشت کہ ایس سی  او  ءَ را  سک باز ارزشت دنت  ءُ پاکستان  ءَ شنگھائی کمکی گل  ءِ رھبند آنی  بنیات  ءَ دمگی کمک  آناں ودینگ ءِ  واستہ  جتا جتائیں  منوگری  ءُ منصوبگ آنی چیر دستی ءَ گامگیج  کتگ۔    آئی ءَ  گریب  آنی  ھلاسی ءِ  واستہ پاکستان ءِ جتا جتائیں کامیات گامگیج آنی  تران  کنان ءَ گوشت کہ گریبی  ءِ  ھلاسی  ءِ  وستہ  ایس سی  او  ءِ ھاسیں ورکنگ  گروپ ءِ اولی دیوان دسمبر  ءَ اسلام آباد ءَ  بیت۔  وزیر ءِ درئی کار ءَ پاکستان  ءَ  سیلاپ ءَ چہ آماچیں  مردم آنی   گوما  یکوئی  ءُ  آوانی  کمک ءِ پد ءَ شنگھائی  کمکی  گل  ءِ باسکیں ملک آنی شگر ءُ منت  واری  گران  ءَ موسمی مٹ  ءُ بدلی  ءَ گوں  گر ءُ چیل  بوھگ ءِ وستہ   یکجائی  کوشست  آنی  ارزشت  ءَ را  سہرا  کت۔  آئیءَ دیمروئی کنوکیں ملک آنی سر ءَ زور  پردات  کہ آ   ”کلائمیٹ فنانس“  ءِ  ھوالگ ءَ  وتی  کتگیں سوگند  آناں پیلو  بکن  انت تانکہ  نوک  دیمروئی کنوکیں   ملک آناں   مھکمیں  دیمروئی  سیم سر   ءَ  سر  کنگ  ءِ  واستہ  موسمی مٹ  ءُ بدلی  ءَ کمک   بہ رس ائیت۔   بلاول  بھٹو زرداری  ءَ اقتصادی  دیمروئی  ءِ واستہ  پڑ  ءَ  مھکمیں   ایمنی  ءُ سلامتی  ءِ در  جنگ ءِ ارزشت  ءِ درشان ءَ کنان ءَ ریاستی  ناشرکاری   ءِ  ھوپ  ءَ را  ایشی ءِ  توامیں  بھر آنی گوما  گیواری  کنگ ءِ ضلورت  ءِ  سر ءَ زور  پر دات۔   آئی ءَ اوگانستان  ءِ گوما  مھکمیں  ءُ   پکوئیں  رابطہ  ءِ  ارزشت  ءِ سر ءَ   ھم زور   پر دات  تاکہ  اوگان  الس  ءَ را وتی ملک ءِ استیں    بنی آدمی جیڈھ  ءُ معاشی  ڈکال  آنی گر ءُ دار  کنگ ءَ کمک  رسیت۔  کونسل  آف ہیڈز  آف  گورنمنٹ  شنگھائی  کمکی گل  ءِ دومی   مستریں فورم  انت،   ادا  باسکٰں  ملک آنی  حکومت  ءِ سروک  وتی  ھیالانی درشانی ءَ کن اَنت۔