وزیراعظم شہباز شریف نا دورہ ءِ چین اٹی چندی بشخ آتیٹی مفاہمت نا چندی یات داشت و معاہدہ غاتیا دستخط مریک، احسن اقبال

اسلام آباد۔ 01 نومبر (اے پی پی) بنجائی وزیر ڈٹ بندی، شونداری، اصلاحات و خصوصی گام گیج احسن اقبال پارینے کہ وزیراعظم شہباز شریف نا اِرادے ئی سرکاری دورہ ءِ چین اٹی چندی بشخ آتیٹی مفاہمت نا چندی یات داشت و معاہدہ غاتیا دستخط مریک، ایم ایل ون آن پاکستان و چین ہڑتوم آ ملک آتا زرگزران آ مثبت اثرتمک۔ داخیال آتا درشانی ءِ او سے شنبےنادے آ وزیراعظم شہباز شریف تون اِرادے ئی دورہ ءِ چین کن روانگی آن مست میڈیا تون گپ وتران کرسا کرے۔ بنجائی وزیر پارے کہ دا دورہ ٹی چندی بشخ آتیٹی مفاہمت نا چندی یات داشت و معاہدہ غاتیا دستخط مریک۔ اوپارے کہ بھلو کچ اسے آ ہڑتوم آ کنڈآتا کمکاری نا ایجنڈا ءِ مون آ دننگ و سی پیک جوائنٹ کوآپریشن کمیٹی نا 27 اکتوبر آ مروک آ 11 می دیوان نا رداٹ سی پیک ڈٹ آ کمکاری نا رفتار ءِ سوگو کننگ ءِ پک کننگک۔ ہڑتوم آ ملک آک ایم ایل ون و کراچی سرکلر ریلوائی ڈٹ آتا بناءِ کننگ کن سنبرینگوک ءُ۔ احسن اقبال پارے کہ ایم ایل ون آن پاکستان و چین ہڑتوم آ ملک آتا زرگزران آ مثبت اقتصادی اثرتمک۔ تحریک انصاف نا دور اٹی اسہ ہم صنعتی زون اس ہم پورو مننگ کتو۔ اوپارے کہ چین صنعتی شونداری نا بنداوآ زرگزرانی شون ہلک۔ داسہ سی پیک نا رداٹ صنعتی کمکاری ءِ مون آدینہ۔ سی پیک صنعتی کمکاری روزگار نا پوسکنءُ وارخواہی اتیک۔ سی پیک نا رداٹ کشاری کمکاری آ گپ وتران مریک۔ سی پیک پاک چین کمکاری نا مزل نا نشان مسنے۔ ملکی و درملکی حالیت آک چائے انت کہ مریر، پاک چین سنگتی نسل درنسل آن بننگ ءِ۔ وزیراعظم شہباز شریف نا دا دورہ نا سرسہبی نا اثرآک مون آ بریرہ۔